وزیراعلیٰ پنجاب سردار عثمان بزدار سے وفاقی وزیرداخلہ شیخ رشید احمد کی ملاقات ہوئی ہے۔

ملاقات میں باہمی دلچسپی اور سیاسی امورپر تبادلہ خیال کیا گیا ہے اور صوبے میں امن و امان کی عمومی صورتحال پر گفتگو ہوئی ہے۔

وزیراعلیٰ پنجاب سردار عثمان بزدارسےملاقات
ملاقات میں باہمی دلچسپی اور سیاسی امورپر تبادلہ خیال
صوبے میں امن و امان کی عمومی صورتحال پرگفتگو
ملاقات کے دوران راولپنڈی کے ترقیاتی منصوبوں کا جائزہ
نالہ لئی ایکسپریس وے پراجیکٹ پر تیز ترین پیشرفت کے امکانات کا بھی جائزہ لیا گیا pic.twitter.com/oGcoqs8lKJ

— Sheikh Rashid Ahmed (@ShkhRasheed) April 12, 2021

اس موقع پر وزیراعلیٰ عثمان بزدار نے کہا کہ راولپنڈی کے شہریوں کے لئے نالہ لئی ایکسپریس وے پراجیکٹ گیم چینجر ثابت ہوگا اور نالہ لئی ایکسپریس وے پراجیکٹ سے ٹریفک کے اژدھام میں کمی آئے گی۔

انہوں نے کہا کہ راولپنڈی کے شہریوں کو نالہ لئی ایکسپریس وے پراجیکٹ کا تحفہ ضرور دیں گے، اسکے علاوہ دیگر ترقیاتی منصوبوں کو جلد ازجلد پایہ تکمیل تک پہنچا نے کے لئے بھی کوشاں ہیں۔

ملاقات کے دوران راولپنڈی کے ترقیاتی منصوبوں کا جائزہ لیا گیا اور وقار النساء پوسٹ گریجوایٹ کالج راولپنڈی برائے خواتین کو یونیورسٹی لیول اپ گریڈ کرنے پر بھی تبادلہ خیال کیا گیا۔

وزیراعلیٰ عثمان بزدار نے وقار النساء پوسٹ گریجوایٹ کالج کو یونیورسٹی کا درجہ دینے پر اتفاق اور بھرپور تعاون کی یقین دہانی بھی کروائی ہے۔

اس موقع پر وزیر داخلہ شیخ رشید نے کہا کہ کورونا سے بچاؤ کے لئے حکومت پنجاب قابل قدر کاوشیں کر رہی ہیں۔

انہوں نے کہا کہ عوام کی فلاح و بہبود کے لئے بزدار حکومت کے اقدامات قابل تحسین ہیں۔