وزیر خارجہ مخدوم شاہ محمود قریشی کی تہران میں ایران کے صدر ڈاکٹر حسن روحانی سے ملاقات ہوئی ہے، اس موقع پر ایران میں تعینات پاکستانی سفیر رحیم حیات قریشی بھی وزیر خارجہ کے ہمراہ موجود تھے۔
وزیر خارجہ نے کہا کہ پاکستانی قیادت، کشمیری مسلمانوں کے نقطہ نظر کی مسلسل حمایت پر ایرانی سپریم لیڈر عزت مآب آیت اللہ سید علی خامنائی اور صدر روحانی کی حکومت کو خراج تحسین پیش کرتی ہے۔
اس موقع پر وزیر خارجہ نے ایرانی صدر سے پاکستان اور ایران کے دیرینہ برادرانہ تعلقات کو مزید مضبوط بنانے کے طریقو ں پر گفتگو کرتے ہوئے کہا کہ دونوں ممالک میں مشترک تاریخ، ثقافت، مذہب اور زبان پر مبنی خوشگوار قریبی اور مضبوط تعلقات استوار ہیں۔
وزیر خارجہ کا کہنا تھا کہ وزیراعظم عمران خان کے وژن کی روشنی میں برادر ملک ایران کے ساتھ دو طرفہ تعلقات کے استحکام کے ساتھ باہمی دلچسپی کے مختلف شعبہ جات میں دو طرفہ تعاون کے فروغ کے لئے پرعزم ہیں۔
صدر حسن روحانی نے ایران کی جانب سے، تجارت، سرمایہ کاری، رابطوں کی استواری اور سرحدی انتظام میں پاکستان کے ساتھ دو طرفہ تعلقات کو مزید بڑھانے کے ایرانی عزم کا اعادہ کیا ہے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
