اوورسیز پاکستانیوں کو سرمایہ کاری کے مواقع دینا وزیراعظم کا وژن ہے، رضا باقر

عروبہ خان

29th Apr, 2021. 12:29 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

اوورسیز پاکستانیوں کو سرمایہ کاری کے مواقع دینا وزیراعظم کا وژن ہے، رضا باقر

اسٹیٹ بینک آف پاکستان کے گورنر رضا باقر نے کہا ہے کہ ایف بی آر نے اوورسیز پاکستانیوں کیلئے ٹیکس کے معاملے کو آسان کیا ہے کیونکہ اوورسیز پاکستانیوں کو سرمایہ کاری کے مواقع دینا وزیراعظم کا وژن ہے۔

گورنر اسٹیٹ بینک رضا باقر نے کہا ہے کہ روشن ڈیجیٹل کے ذریعے7 ماہ میں ایک بلین ڈالرز پاکستان آئے ہیں اور آسانیاں پیدا کرنے سے اوورسیز پاکستانی پیسہ لاکر سرمایہ کاری کرینگے اور اس سے ترسیلات زر میں اضافہ ہوگا۔

گورنر اسٹیٹ بینک کا کہنا ہے کہ روشن ڈیجیٹل پاکستان کے تحت نئے منصوبےلائیں گے کیونکہ روشن ڈیجیٹل کا مقصد آسانیاں پیدا کرنا ہے۔

رضا باقر نے بتایا ہے کہ روشن ڈیجیٹل کی طرح روشن ڈیجیٹل کار کا منصوبہ بھی لارہے ہیں جس سے اوورسیز پاکستانی باہر بیٹھ کر کسی کیلئے گاڑی خرید سکتے ہیں۔

گورنر اسٹیٹ بینک نے بتایا ہے کہ روشن ڈیجیٹل کار میں گاڑی خریدنے پر شرح سود بہت کم ہوگا، روشن ڈیجیٹل اکاؤنٹس میں مزید آسانیاں پیدا کریں گے ۔

رضا بار کا کہنا تھا کہ کنسٹرکشن انڈسٹری کا9 ماہ میں قرضہ200 ارب کا ہوگیا ہے، تاریخ میں اس رفتار سے کنسٹرکشن انڈسٹری کے قرضے میں اضافہ نہیں ہوا ہے۔