مشترکہ مفادات کونسل کا اجلاس طلب کرلیا گیا، مردم شماری کے نتائج کا نوٹیفکیشن متوقع

عروبہ خان

06th Apr, 2021. 04:41 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

مشترکہ مفادات کونسل کا اجلاس طلب کرلیا گیا، مردم شماری کے نتائج کا نوٹیفکیشن متوقع

وزیراعظم عمران خان کی جانب سے مشترکہ مفادات کونسل کا اجلاس طلب کرلیا گیا ہے جس میں مردم شماری کے نتائج جاری کرنے کا نوٹیفکیشن متوقع کیا جارہا ہے۔

تفصیلات کے مطابق مشترکہ مفادات کونسل کا اجلاس وزیراعظم عمران کی زیر صدارت منعقد کیا جائیگا جس میں چاروں وزرائے اعلٰی، وفاقی وزراء شریک ہوں گے۔

اس ضمن میں ذرائع کا کہنا ہے کہ مشترکہ مفادات کونسل کے اجلاس میں مستقل سیکرٹریٹ کا جائزہ لیا جائے گا جبکہ نیپرا کی سالانہ رپورٹ اجلاس میں پیش کی جائے گی۔

اجلاس میں مشترکہ مفادات کونسل کے فیصلوں پر عملدرآمد کا جائزہ لیا جائے گا جبکہ اوگرا آرڈیننس میں ترمیم کا جائزہ بھی لیا جائے گا۔

دوران اجلاس 18 ویں ترمیم کے بعد ہایئرایجوکیشن کے معاملات پر غور کیا جائیگا جبکہ کورونا کی تیسری لہر پر بھی گفتگو کی جائیگی۔