عراقی ہم منصب کی دعوت پر وزیر خارجہ مخدوم شاہ محمود قریشی عراق کے تین روزہ دورے پر روانہ ہوگئے ہیں۔
دورہ عراق کے دورا ن وزیر خارجہ، عراقی ہم منصب فواد حسین کے ساتھ خصوصی ملاقات سمیت اعلیٰ قیادت سے بھی ملاقات کریں گے۔
اس ملاقات میں دو طرفہ تعلقات، کثیرالجہتی شعبہ جات میں دو طرفہ تعاون کے فروغ، مسلم امہ کو درپیش چیلنجز سمیت اہم علاقائی و عالمی امور پر تبادلہ خیال کیا جائے گا۔
وزیر خارجہ عراقی قیادت کے ساتھ ملاقاتوں میں ہر سال “زیارات کیلئے عراق آنے والے زائرین” کی مشکلات اور ان کی سہولت کے لئے اقدامات کے حوالے سے بھی تبادلہ ء خیال کریں گے۔
عراقی قیادت کے ساتھ دو طرفہ سیاسی و دفاعی تعاون بڑھانے کے حوالے سے بھی بات چیت ہو گی۔
Advertisement
وزیر خارجہ کا یہ دورہ ء عراق، وزیر اعظم عمران خان کے وژن کی روشنی میں مسلم ممالک کے ساتھ اعلیٰ سطحی روابط کے فروغ کی ایک کڑی ہے۔
توقع ہے کہ وزیر خارجہ کے اس دورہ ء عراق سے دونوں ممالک کے درمیان دو طرفہ تعلقات مزید مستحکم ہوں گے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
