وزیر مملکت فرخ حبیب نے کہا ہے کہ وزیراعظم عمران خان چاہتے ہیں کہ والدین کی عزت وتکریم پر کبھی کوئی

حرف نہیں آئے۔

تفصیلات کے مطابق سماجی رابطے کی ویب سائٹ پر اپنے ایک ٹوئٹ پیغام میں  وزیر مملکت فرخ حبیب نے والدین کے تحفظ کے حوالے سے بات کی ہے۔

وزیراعظم عمران خان چاہتے ہیں کہ والدین کی عزت وتکریم پر حرف نہ آئے اس کے لیے
تحفظ والدین آرڈیننس 2021 کے ذریعے بچوں کی جانب سے والدین کو زبردستی گھروں سے نکالنے کے خلاف تحفظ فراہم کردیا گیا ہے
والدین کو گھروں سے نکالنے پر ایک سال تک قید، جرمانہ یا دونوں سزائیں دی جائیں گی pic.twitter.com/tG1PObsZFs

Advertisement

— Farrukh Habib (@FarrukhHabibISF) May 11, 2021

فرخ حبیب کا کہنا تھا کہ تحفظ والدین آرڈیننس 2021 کے ذریعے بچوں کی جانب سے والدین کو زبردستی گھروں سے نکالنے کے خلاف تحفظ فراہم کردیا گیا ہے۔

انہوں نے بتایا کہ والدین کو گھروں سے نکالنے پر ایک سال تک قید، جرمانہ یا دونوں سزائیں دی جائیں گی۔

یاد رہے کہ اس سے قبل صدر عارف علوی نے آئین کے آرٹیکل 89 کے تحت تحفظ والدین آرڈیننس 2021 جاری کیا تھا۔

اس آرڈیننس کا مقصد بچوں کی جانب سے والدین کو زبردستی گھروں سے نکالنے کے خلاف تحفظ فراہم کرنا ہے، آرڈیننس کے تحت والدین کو گھروں سے نکالنا قابل سزا جرم ہوگا۔