وزیراعلیٰ سندھ مراد علی شاہ نے کہا ہے کہ آرڈیننس لاگو کرنے سے الیکٹرانک مشین کا نظام نافذ نہیں ہوگا، الیکٹرانک مشین سے متعلق سب کچھ باہمی مشاورت سے ہوگا۔
تفصیلات کے مطابق وزیراعلیٰ سندھ مراد علی شاہ نے میڈیا سے بات چیت کرتے ہوئے کہا ہے کہ انتخابی اصلاحات ضروری ہےلیکن باہمی اتفاق سےہی ہوسکتی ہیں۔
وزیراعلیٰ سندھ نے کہا ہے کہ 2017 میں الیکٹرانک ووٹنگ مشین کی بات کی گئی تھی جب تمام جماعتوں نےالیکٹرانک ووٹنگ مشین کی مخالفت کی تھی۔
مراد علی شاہ نے کہا ہے کہ ایک وزیرنےایس اوپیز کا میٹر بنادیا ہے جس کا بٹن دبا کر چیک کرتے ہیں ایس او پیز پرکتنا عملدرآمد ہورہا ہے۔
انہوں نے کہا ہے کہ ہم نےانٹرسٹی ٹرانسپورٹ بندکرنےکی اپیل کی تھی لیکن انٹرسٹی ٹرانسپورٹ بند نہیں ہونے سے وائرس پھیلا، اس وقت ان کا میٹر کہاں تھا؟
انہوں نے بتایا ہے کہ بیان دینے اورنئے نئے میٹرایجاد کرنے سے کوویڈ کو منیج نہیں کرسکتے ہیں، وباء کو کنٹرول کرنے کیلئے سنجیدہ اقدامات کرنے چاہیئے۔
مراد علی شاہ نے کہا ہے کہ ویکسین کے معاملے پر ہم پسماندہ ممالک سے بھی پیچھے ہیں۔
انہوں نے کہا ہے کہ وزیراعظم کہتے ہیں گھبرانا نہیں ہے لیکن میں تو بہت پہلے سے ہی گھبرا چکا ہوں اور اب یہ سمجھ نہیں آرہا ہے کہ ہم لاک ڈاؤن کیلئے کس چیزکا انتظار کررہے ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News