پاکستان پیپلز پارٹی (پی پی پی) کی رہنما پلوشہ خان نے کہا ہے کہ چیئرمین بلاول بھٹو زرداری کا بیانیہ قوم کی آواز ہے۔

تفصیلات کے مطابق پاکستان پیپلز پارٹی (پی پی پی) کی رہنما پلوشہ خان نے اپنے ایک بیان میں کہا کہ سلطنت نیازیہ میں غریب پامال ہو رہے ہیں۔

اپنے بیان میں پلوشہ خان نے یہ بھی کہا کہ عظیم قوم اور باوقار پاکستان چیئرمین بلاول بھٹو کا منشور ہے۔

پاکستان پیپلز پارٹی (پی پی پی) کی رہنما پلوشہ خان نے مزید کہا کہ سندھ ترقی کی منزلیں طے کر رہا ہے اندھوں کو ترقی نظر نہیں آتی، بغض اور تعصب کی عینک اتار کر دیکھا جائے تو پیپلزپارٹی کا دور شاندار نظر آئے گا۔

واضح رہے اس سے قبل پاکستان پیپلز پارٹی (پی پی پی) کی رہنما پلوشہ خان نے بلدیہ ٹاون کراچی میں ریلی سے خطاب کرتے ہوئے کہا تھا کہ سونامی غرق ہوچکا، سینیٹ الیکشن میں شکست خوردہ وزیراعظم  کس منہ سے خطاب کررہا ہے۔

پلوشہ خان نے کہا تھا کہ کل شام سے عمران خان حیرت کے سمندر میں غرق ہیں جبکہ آج ملک کا وزیر اعظم طوطا مینا کی کہانی سناتا رہا جو کذب کہانی ہے۔

پی پی پی کی رہنما پلوشہ خان نے یہ بھی کہا تھا  کہ جہانگیر ترین کے جہاز میں لوٹے بھر کر حکومت بنانے والے اخلاقیات کے درس دیتے پھر رہے ہیں جبکہ چوہدری سرور کیسے پنجاب سے سینیٹر بنے کیا عمران نیازی یہ بھول گئے ہے؟

پلوشہ خان کا مزید کہنا تھا کہ اپنے اے ٹی ایمز کو جتوانے کے لئے رات کی تاریکی میں آڑینینس جاری کیا جو کام نہ آیا جبکہ آئی ایم آیف کے نمائندے کو سینیٹر بنوانے کے لیے عمران نے قومی خزانے کا استعمال کیا لیکن یہ بھی کام نہ آیا۔