بدعنوانی کی صورت میں قوم کو ایک بہت بڑا چیلنج درپیش ہے، صدر مملکت

عروبہ خان

28th May, 2021. 02:49 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

بدعنوانی کی صورت میں قوم کو ایک بہت بڑا چیلنج درپیش ہے، صدر مملکت

صدر مملکت ڈاکٹر عارف علوی نے کہا ہے کہ بدعنوانی کی صورت میں قوم کو ایک بہت بڑا چیلنج درپیش ہے اور اسکے خاتمے، شفاف گورننس اور احتساب کے فروغ کیلئے مزید مؤثر اقدامات کی ضرورت ہے۔

تفصیلات کے مطابق صدر مملکت ڈاکٹر عارف علوی سے نیب چیئرمین جسٹس (ر) جاوید اقبال کی ملاقات ہوئی ہے۔

ملاقات کے دوران چیئرمین نیب نے نیب رپورٹ برائے سال 2020ء صدر مملکت کو پیش کی جس پر صدر مملکت نے سال 2020ء میں 323 ارب روپے کی ریکوری پر نیب کی تعریف کی ہے۔

اس موقع پر صدر مملکت ڈاکٹر عارف علوی نے بدعنوان عناصر کے خلاف کارروائی کرنے پر نیب کے کردار کو سراہتے ہوئے کہا ہے کہ بدعنوانی سے پاک پاکستان کے وژن کی تکمیل کے لئے احتساب سب کیلئے یقینی بنانے کی ضرورت ہے۔

صدر مملکت نے کہا ہے کہ معاشرے کے تمام طبقات ملک سے بدعنوانی کے خاتمے کے لئے حکومت کی کوششوں کی حمایت کریں۔