ائیر وائس مارشل عرفان احمد کی ائیر مارشل کے عہدے پر ترقی

احمد منصور

28th May, 2021. 05:56 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ائیر وائس مارشل عرفان احمد کی ائیر مارشل کے عہدے پر ترقی

ایئر وائس مارشل عرفان احمد کو ائیر مارشل کے عہدے پرترقی دے دی گئی۔

ترجمان پاک فضائیہ کے مطابق ایئر وائس مارشل عرفان احمد کو ائیر مارشل کے عہدے پرترقی دے دی گئی ہے۔

ایئر مارشل عرفان احمد نے پاک فضائیہ کی جی ڈی پی برانچ میں جون 1988 میں کمیشن حاصل کیا۔

اپنے شاندار پیشہ ورانہ کیرئیر کے دوران انہوں نے فائٹر اسکواڈرن ، فلائنگ ونگ اور دو آپریشنل ایئر بیسز کی کمان کی۔

ایئر مارشل عرفان احمد ایئر ہیڈ کوارٹرز اسلام آباد میں بطور ڈائریکٹر جنرل ویلفیئر اینڈ ری ہیب تعینات رہ چکے ہیں۔ علاوہ ازیں وہ بطور ایئر آفیسر کمانڈنگ (سنٹرل ایئر کمانڈ) بھی خدمات سر انجام دے چکے ہیں۔

ایئر مارشل عرفان احمد آج کل ائیر ہیڈکوارٹرز اسلام آباد میں ڈائریکٹر جنرل (پروجیکٹس) کی حیثیت سے خدمات سر انجام دے رہے ہیں۔

وہ کمبیٹ کمانڈرز اسکول اور نیشنل ڈیفنس یونیورسٹی اسلام آباد سے فارغ التحصیل ہیں۔ انہوں نے امریکہ سے سیکیورٹی اسٹڈیز میں ماسٹرز ڈگری اور پبلک پالیسی اینڈ سیکیورٹی مینجمنٹ میں ایم فل کی ڈگری حاصل کی۔

ایئر مارشل عرفان احمد کو پاک فضائیہ میں شاندار خدمات پر تمغہ امتیاز (ملٹری)، ستارۂ امتیاز (ملٹری) اور ہلالِ امتیاز (ملٹری) سے نوازا جا چکا ہے۔