کسی انتخابی اصلاحات کی ضرورت نہیں ہے، شاہد خاقان عباسی

عروبہ خان

04th May, 2021. 11:06 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

کسی انتخابی اصلاحات کی ضرورت نہیں ہے، شاہد خاقان عباسی

پاکستان مسلم لیگ ن کے رہنما شاہد خاقان عباسی نے کہا ہے کہ ملک کو آئین کے مطابق چلایا جائے تو کسی انتخابی اصلاحات کی ضرورت نہیں ہے۔

تفصیلات کے مطابق میڈیا سے بات چیت کرتے ہوئے پاکستان مسلم لیگ ن کے رہنما شاہد خاقان عباسی نے کہا ہے کہ الیکٹرانک ووٹنگ میشن بنانا حکومت اور پارلیمنٹ کا کام نہیں ہے بلکہ یہ الیکشن کمیشن کا کام ہے۔

ان کا کہنا تھا کہ الیکٹرانک ووٹنگ مشین کسی چیز کا حل نہیں ہے بلکہ یہ مزید ابہام پیدا کریگا کیونکہ جو ملک کاغذی نظام نہیں چلا سکے وہ الیکٹرانک نظام بھی نہیں چلاسکتا ہے۔

شاہد خاقان عباسی نے کہا ہے کہ 3سال میں آٹےکی قیمت دگنی ہوگئی جبکہ ایسا پہلے کبھی نہیں ہوا ہے، بجلی 200 فیصد مہنگی ہوگئی ہے اور چینی کی قیمتیں کم کرنے کیلئے بھی کوئی کارروائی نہیں کی گئی۔

ان کا کہنا تھا کہ وزیراعظم نےکہاتھارمضان میں قیمتوں کی مانیٹرنگ خود کروں گا اس کے بعد ماہ رمضان میں اشیائے خوردونوش کی قیمتوں میں 15 فیصد اضافہ ہوا ہے۔

انہوں نے کہا کہ وزیراعظم جس چیزکوہاتھ لگاتے ہیں وہ تباہ ہوجاتی ہے، جس چیزکی نگرانی کرتے ہیں وہی عوام پر بوجھ بن جاتی ہے۔