سندھ ہائیکورٹ، کراچی واٹر اینڈ سیوریج بورڈ کی رپورٹ غیر تسلی بخش قرار

عروبہ خان

03rd May, 2021. 11:05 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سندھ ہائیکورٹ، کراچی واٹر اینڈ سیوریج بورڈ کی رپورٹ غیر تسلی بخش قرار

سندھ ہائیکورٹ کی جانب سے کراچی واٹر اینڈ سیوریج بورڈ کی رپورٹ غیر تسلی بخش قرار دے دی گئی ہے۔

تفصیلات کے مطابق سندھ ہائیکورٹ میں پانی فراہمی کے کیس کی سماعت ہوئی ہے جس میں عدالت نے کراچی واٹر اینڈسیوریج بورڈ کی کارکردگی پر برہمی کا اظہار کیا ہے۔

سندھ ہائیکورٹ کے جسٹس حسن اظہر رضوی نے ریمارکس جاری کئے ہیں کہ پورے کراچی میں صاف پانی فراہم نہیں کیا جارہا ہے؟ ٹینکرز کے ذریعے پانی دے سکتے ہیں تو لائنوں میں کیوں نہیں؟

جسٹس حسن اظہر رضوی نے مزید کہا ہے کہ بل تو وصول کرلیتے ہیں مگر پانی نہیں دیتے ہیں؟

جسٹس حسن اظہر نے ریمارکس دیئے کہ ادارے انصاف فراہم کرتے تو شہری عدالتوں میں دھکے نہ کھارہے ہوتے، ادارے وکیلوں کو فیس ادا کرتے ہیں لیکن شہریوں کو ان کا حق نہیں دیتے۔

عدالت نے کراچی واٹر اینڈ سیوریج بورڈ کی رپورٹ غیر تسلی بخش قرار دی ہے اور روفی سویٹ ہوم اسکیم 33 میں پانی فراہمی کے حکم پر دوہفتوں میں عملدرآمد کا حکم دیا ہے۔

اسکے علاوہ عدالت نے آئندہ سماعت میں ایگزیکٹو انجینئر کراچی واٹر اینڈ سیوریج بورڈ کو طلب کرلیا ہے۔