پاکستان اور چین کی دوستی کے 70 سال مکمل ہونے پر صدر مملکت ڈاکٹر عارف علوی کی جانب سے چینی صدر شی جن پنگ کو مبارکبادی خط لکھا گیا ہے۔

صدر مملکت ڈاکٹر عارف علوی نے کہا ہے کہ پاکستان اور چین اچھے اور برے دونوں وقتوں میں دوست رہے ہیں اور یہ دوستی علاقے کے امن کی ضمانت ہے۔

پاک-چین دوستی کے 70 سال مکمل ہونے پر صدر مملکت ڈاکٹر عارف علوی کا چینی صدر شی جنپنگ کو مبارکبادی خط

ہم اچھے اور برے دونوں وقتوں میں دوست رہے، صدر مملکت

Advertisement

مشکلات کے باوجود اپنے مقاصد کے حصول میں دونوں ممالک نے بے انتہا قربانیاں دیں، صدر مملکت pic.twitter.com/vhwQSh4xyI

— The President of Pakistan (@PresOfPakistan) May 21, 2021

دوسری جانب چینی صدر  شی جن پنگ نے بھی پاک چین دوستی کے 70 سال مکمل ہونے پر صدر مملکت ڈاکٹر عارف علوی کو خط لکھا ہے جس میں انہوں نے  دوطرفہ تعلقات کومزید مضبوط بنائے جانے کے عزم کا اظہار کیا ہے۔

 انہوں نے کہا کہ دونوں ممالک کے درمیان باہمی اعتماد اور دوستی 70 سال سے قائم و دائم ہے جو دونوں ممالک کے عوام کا سب سے قیمتی اثاثہ بن چکا ہے۔

چینی صدر نے کہا کہ حالیہ برسوں میں چین اور پاکستان کی مشترکہ کوششوں سے سی پیک کی تعمیر کے حوالے سے شاندار نتائج حاصل ہوئے ہیں جو دونوں ممالک کے عوام کے ساتھ ساتھ پورے خطے کی خوشحالی کا اہم محرک ثابت ہو گی۔