رواں مالی سال مظبوط معاشی گروتھ رہی ہے، اسد عمر

عروبہ خان

28th May, 2021. 04:34 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

رواں مالی سال مظبوط معاشی گروتھ رہی ہے، اسد عمر

وفاقی وزیر برائے منصوبہ بندی اسد عمر نے کہا ہے کہ رواں مالی سالترسیلا زر میں 34 فیصد اضافہ ریکارڈ ہوا ہے جس سے یہ ثابت ہوتا ہے کہ رواں مالی سال معاشی گروتھ مضبوط رہی ہے۔

تفصیلات کے مطابق پریس کانفرنس کرتے ہوئے وفاقی وزیر برائے منصوبہ بندی اسد عمر نے کہا ہے کہ دوہزار چار اور دوہزار پانچ کے بعد رواں سال معیشت میں سب سے زیادہ اضافہ ہوا ہے۔

اسد عمر کا کہنا تھا کہ کورونا کی وجہ سے صنعتیں بری طرح متاثر ہوئی ہے لیکن حکومت کی جانب سے صنعتوں کیلئے پیکج کے اچھےاثرات سامنے آئے ہیں۔

وفاقی وزیر نے بتایا ہے کہ سالانہ منصوبہ بندی کمیٹی میں آئندہ سال کے پلان کی منظوری دے دی گئی ہے اور یہ پلان آئندہ ہفتے وزیر اعظم کے پاس اقتصادی کونسل میں پیش کیا جائے گا۔

اسد عمر نے کہا ہے کہ آئندہ مالی سال کیلئے معاشی گروتھ 4.8 فیصد رکھنے کا ہدف ہے، تعمیراتی شعبے میں بھی آئندہ مالی سال کے دوران گروتھ میں اضافہ ہو گا ۔

ان کا کہنا تھا کہ آئندہ مالی سال کے دوران 26 ارب 80 کروڑ ڈالر برآمدات کا ہدف ہے جبکہ آئندہ مالی سال ترسیلات کا ہدف 31 ارب تیس کروڑ ڈالر ہوگا۔