عالمی یومِ بَحر، پاک بحریہ کے سربراہ کا خصوصی پیغام

عروبہ خان

08th Jun, 2021. 09:16 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

عالمی یومِ بَحر، پاک بحریہ کے سربراہ کا خصوصی پیغام

عالمی یومِ بَحر کے موقع پر پاک بحریہ کے سربراہ ایڈمرل محمد امجد خان نیازی کی جانب سے خصوصی پیغام جاری کیا گیا ہے۔

اس ضمن میں پاک بحریہ کے ترجمان نے بتایا ہے کہ پاک بحریہ کے سربراہ نے اپنے پیغام میں کہا ہے کہ آج کے دن، ہم سمندروں کو پہنچنے والے نقصان سے بچاٶ کے لئے اپنے عزم کا اعادہ کرتے ہیں۔

پاک بحریہ کے سربراہ ایڈمرل محمد امجد خان نیازی نے کہا ہے کہ سمندر دنیا بھر کے لوگوں کے لئے خوراک کی فراہمی کے ساتھ ساتھ کروڑوں لوگوں کو روزگار مہیا کرنے کا اہم ذریعہ ہیں۔

سربراہ پاک بحریہ کا کہنا تھا کہ سمندروں کے لئے بڑھتے ہوئے خطرات سے نمٹنے کے لئے نئے اور جدید حل تلاش کرنے کی ضرورت ہے۔

انہوں نے کہا ہے کہ پاک بحریہ سمندری وساٸل کے محفوظ اور دیرپا استعمال سے متعلق آگہی کے فروغ کے لئے سرگرم ہے۔

اس موقع پر انہوں نے بتایا ہے کہ آج عالمی یوم بحر کے موقع پر پاک بحریہ میں مختلف سرگرمیوں کا انعقاد بھی کیا جا رہا ہے۔