وفاقی وزیر آئی ٹی و ٹیلی کام سید امین الحق نے اپنی وزارت کی تمام تقاریب اور اجلاس میں پاکستان کی قومی زبان اردو کو رائج کرنے کی ہدایت جاری کردی ہے۔
اس ضمن میں وفاقی وزیر سید امین الحق نے ہدایت کی ہے کہ وزارت اور اس کے ماتحت اداروں میں تمام تقاریب کی مکمل کارروائی اردو میں کی جائے۔
وفاقی وزیر آئی ٹی و ٹیلی کمیونیکشن کا کہنا تھا کہ وزیراعظم کی جانب سے اپنی تقاریب میں اردو کا نفاذ آئین کی پاسداری کا بہترین نمونہ ہے۔
انہوں نے کہا ہے کہ خواہش ہے کہ عدالت عظمیٰ کے حکم کے تحت تمام وفاقی اور صوبائی محکموں میں بھی جلد اردو نافذ ہو اسی طرح اگر عدالتی کارروائی، نوٹسز اور فیصلے بھی اردو میں جاری ہوں تو عوام کیلئے آسانیاں ہوں گی۔
خیال رہے کہ وفاقی وزیر امین الحق نے اپنی وزارت کی تقاریب میں اردو زبان رائج کرنے کی ہدایت کرتے ہوئے نوٹیفکیشن بھی جاری کردیا ہے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
