پاک رینجزر اور ریسکیو ٹیموں کی امدادی سرگرمیاں جاری ہیں، آئی ایس پی آر

عروبہ خان

07th Jun, 2021. 01:41 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پاک رینجزر اور ریسکیو ٹیموں کی امدادی سرگرمیاں جاری ہیں، آئی ایس پی آر

پاک فوج کی پاکستان رینجرز اور ریسکیو ٹیم 1122 کے ہمراہ ٹرین حادثے کی جگہ پر ریلیف و ریسکیو سرگرمیاں جاری ہیں۔

پاک فوج کے شعبہ تعلقات عامہ (آئی ایس پی آر) کے مطابق آرمی اور رینجرز کے جوان ریلیف اور ریکسیو آپریشن میں مصروف ہیں ۔

آئی ایس پی آر نے بتایا ہے کہ راولپنڈی سے پہنچنے والی آرمی اربن سرچ اینڈ ریسکیو ٹیم خصوصی آلات کے ساتھ امدادی سرگرمیوں میں شامل ہے جبکہ رحیم یارخان سے آنے والی ریسکیو 1122 کی ٹیم بھی امدادی کاموں میں حصہ لے رہی ہے۔

آئی ایس پی آر کے مطابق ٹرین حادثے میں زیادہ تر زخمیوں کو رحیم یارخان، گھوٹکی، میر پور ماتھیلو کے اسپتالوں میں منتقل کر دیا گیا ہے جبکہ بوگیوں کے نیچے پھنسے افراد کو نکالنے کے لئے ٹرین کے فریم کی کٹنگ کا عمل جاری ہے۔

آئی ایس پی آر نے مزید کہا ہے کہ شدید زخمی افراد کو ہیلی کاپٹر کے ذریعے پنوں عاقل منتقل کیا جارہا ہے۔

آئی ایس پی آر نے بتایا ہے کہ فوج کی جانب سے ریلیف کیمپ بھی قائم کر دیا گیا ہے جس میں ٹرین حادثے کے متاثرین کو تیار کھانا فراہم کیا جا رہا ہے۔

آئی ایس پی آر کا کہنا ہے کہ آرمی ڈاکٹر اور پیرا میڈیکل اسٹاف جائے حادثہ پر ضروری فرسٹ ایڈ اور ایمرجنسی میڈیکل کیئر فراہم کر رہے ہیں۔