پاکستان رینجرز (سندھ) اور پولیس نے انٹیلی جنس کی معلومات کی بنیاد پر کراچی کے علاقے اورنگی ٹاؤن میں مشترکہ کارروائی کرتے ہوئے ڈکیتی اور لوٹ مارکی متعدد وارداتوں میں ملوث ملزم محمد حسین کو گرفتار کر لیا ہے۔

تفصیلات کے مطابق ۔ ملزم کے قبضے سے ڈکیتی میں استعمال ہونے والا اسلحہ، ایمونیشن اور لوٹا ہوا سامان بھی برآمد کر لیا گیا ہےجس میں 9ایم ایم پستول 1 عدد(بغیر لائسنس)، 30 بور پستول 1 عدد(بغیر لائسنس)، راؤند 15 عدد، موبائل فون 21 عدد،موٹر سائیکل 1 عدد، نقدرقم مبلغ 42,500 روپے (بمعہ پرائز بانڈ مبلغ 15,000/-)، سونے کی انگوٹھیاں 2 عدد، سونے کی بالیاں 1 جوڑی شامل ہیں۔

ذرائع نے بتایا ہے کہ ملزم اپنے ساتھیوں بلال اور راحیل کے ساتھ مل کر اورنگی اور سائیٹ ٹاؤن کے مختلف علاقوں میں موٹر سائیکل چھینتے تھے اور ملزمان نے 40 سے زائد ڈکیتیاں کی ہیں جن میں خواتین سے پرس اور جیولری چھیننے کی وارداتیں بھی شامل ہیں ۔

ترجمان سندھ رینجیرز نے نزید کہا ہے کہ ملزم کے دیگر ساتھیوں کی گرفتاری کے لیے چھاپے مارے جا رہے ہیں گرفتار ملزم کو بمعہ اسلحہ، ایمونیشن اور سامان کے مزید قانونی کارروائی کے لیے پولیس کے حوالے کر دیاگیا ہے، عوام سے اپیل ہے کہ ایسے عناصر کے بارے میں اطلاع فوری طور پرقریبی رینجر ز چیک پوسٹ، رینجرز ہیلپ لائن 1101 یا رینجرز مددگار واٹس ایپ نمبر 03479001111 پر کال یا ایس ایم ایس کے ذریعے دیں۔آپ کا نام صیغہ راز میں رکھا جائے گا۔