نیشنل کمانڈ اینڈ آپریشن سینٹر (این سی اوسی) نے کورونا کے بڑھتے کیسز کے پیش نظر عیدالاضحیٰ پر نقل و حمل کو محدود کرنے اور سیاحتی شعبہ پر پابندیوں پر غور شروع کر دیا ہے۔

تفصیلات کے مطابق نیشنل کمانڈ اینڈ آپریشن سینٹر (این سی اوسی) کی جانب سے جاری بیان میں کہا گیا ہے کہ بڑھتی ہوئی وباء کے پیش نظر سیر و سیاحت پر پابندی کا بھی امکان ہے۔

این سی اوسی کے مطابق عید پر بھی غیر ضروری نقل وحرکت محدود رکھنے کے لیے مختلف تجاویز زیر غور ہیں، تجاویز پر عملدرآمد کا فیصلہ کورونا کا پھیلاؤ مدنظر رکھ کرکیا جائے گا۔

این سی اوسی نے کہا کہ پاکستان میں ڈیلٹا وائرس کے کیسز سامنے آنے لگے جو کورونا کی چوتھی لہر بھی ہو سکتی ہے۔ ڈیلٹا وائرس جو درحقیقت انڈین وائرس ہے اور انتہائی خطرناک ہے

نیشنل کمانڈ اینڈ آپریشن سینٹرنے یہ بھی کہا کہ ڈیلٹا وائرس کے حوالے سے احتیاط نہ کی گئ تو نتائج خطرناک ہوسکتے ہیں۔

این سی او سی نے ڈیلٹا وائرس اور پاکستان میں موجود دیگر وائرس کے حوالے سے کہا کہ اگر ڈیلٹا وائرس پر قابو پانے کے لئے احتیاطی تدابیر اختیار نہ کی گئیں تو خطرناک نتائج کا سامنا کرنا پڑ سکتا ہے۔

سربراہ این سی اوسی کے مطابق اس وائرس کی وجہ سے ہندوستان نے نہ صرف لاکھوں اموات کا سامنا کیا بلکہ اسپتالوں میں آکسیجن کی کمی کے باعث عوام بے یار و مددگار اذیتیں جھیلتے رہے۔

سربراہ نیشنل کمانڈ اینڈ آپریشن سینٹر کا کہنا تھا کہ پاکستانی عوام کو اس وائرس کے مضر اثرات سے بچانے کے لئیے این سی او سی نے خصوصی اقدامات کیے ہیں،ان اقدامات میں متعلقہ ایس او پیز پر عمل درآمد اور ویکسین لگوانے کی رفتار کو تیز کرنے پہ زور دیا گیا ہے۔

این سی اوسی نے خبردار کیا کہ ڈیلٹا وائرس پر قابو پانے کیلیے احتیاطی تدابیر اختیار نہ کیں تو خطرناک نتائج کا سامنا کرنا پڑ سکتا ہے۔

نیشنل کمانڈ اینڈ آپریشن سینٹر کا کہنا تھا کہ ایس اوپیز پر عمل درآمد اور ویکسین لگوانے کی رفتار کو تیز کرنے کی ضرورت ہے۔ 9 سے 18 جولائی تک عیدالاضحیٰ سے پہلے ایس او پیز کا شدت سے نفاذ یقینی بنایا جائے گا۔

این سی اوسی کے مطابق تمام پرائیویٹ سیکٹر ملازمین ، چھوٹی درمیانی اور بڑی انڈسٹری کے ملازمین زراعت، میڈیا ، وکلاء پرائیویٹ کمپنیاں فیکٹری مزدور ، مارکیٹ میں کام کرنے والے ملازمین ، ٹرانسپورٹ سیکٹر سے منسلک افراد ہوٹل ورکرز ، ریڑھی بان جمنیزیم ملازمین ، مساجد کے خدام اور آئماء ، شادی ہال ، ورکشاپس پہ کام کرنے والے افراد کو لازماً 31 جولائی سے قبل ویکسین لگوائی جائے ۔

سربراہ این سی اوسی کا مزید کہنا تھا کہ علاوہ ازیں 18سال سے زائد عمر کے طلباء اور طالبات کے لئے 31 اگست تک ویکسین لگوانا لازمی قرار دیا گیا ہے جبکہ یکم اگست سے ویکسینیشن سرٹیفکیٹ کے بغیر ہوائی سفر کرنے پر پابندی عائد کر دی جائے گی۔