صحافی آئی ٹی این ای کے بجائے میڈیا کمپلنٹ کمیشن میں اپنے ایشوز لے جاسکیں گے،فرخ حبیب

صحافی آئی ٹی این ای کے بجائے میڈیا کمپلنٹ کمیشن میں اپنے ایشوز لے جاسکیں گے، فرخ حبیب

اریبہ تنویر

16th Aug, 2021. 09:00 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

صحافی آئی ٹی این ای کے بجائے میڈیا کمپلنٹ کمیشن میں اپنے ایشوز لے جاسکیں گے، فرخ حبیب

وزیر مملکت اطلاعات و نشریات فرخ حبیب نے کہا ہے کہ پی ایم ڈی اے کے تحت صحافی آئی ٹی این ای کے بجائے میڈیا کمپلنٹ کمیشن میں اپنے ایشوز لے جا سکیں گے،21 روز میں میڈیا کمپلینٹ کمیشن شکایات پر فیصلہ کرے گا ۔
تفصیلات کے مطابق وزیر مملکت اطلاعات و نشریات فرخ حبیب اور چاروں صوبائی دارالحکومت کے پریس کلبز کی قیادت کا مشترکہ اجلاس ہوا اجلاس میں پریس کلبز کی قیادت نے پی ایم ڈی اے کے ذریعے ڈیجیٹل میڈیا کو ریگولیٹ کرنے، صحافیوں اور میڈیا ورکرز کے تنخواہوں اور نوکری کے تحفظ کے اقدامات پر اتفاق کیا۔
اجلاس میں کمیٹی ممبران کاکہنا تھا کہ پی ایم ڈی اے میڈیا ڈویلپمنٹ کے لئے لارہے ہیں، آزادی صحافت اور اظہار رائے پرکامل یقین رکھتے ہیں۔
کمیٹی ممبران کا کہنا تھا کہ سٹیک ہولڈرز کو یقین دلاتے ہیں کہ میڈیا پر کوئی قدغن نہیں لگارہے، تمام سٹیک ہولڈرز کے ساتھ مشاورت کا عمل جاری رکھنے پر اتفاق کیا ہے۔
اجلاس میں کہا گیا کہ صحافیوں کے لیے کامیاب جوان پروگرام اور ہاؤسنگ سکیم میں میڈیا کو شامل کرنے کا عمل تیز کردیا گیا ہے۔

اجلاس میں کمیٹی ممبران پی آئی او سہیل علی خان، منظورعلی میمن اورلاہورپریس کلب صدر ارشد انصاری ، فاضل جمالی صدر کراچی پریس کلب، عبدالخالق رند صدر کوئٹہ پریس کلب اور شکیل انور صدر ، انور رضا سیکریٹری نیشنل پریس کلب کی مشاورتی عمل کے بعد پی ایم ڈی اے کمیٹی اور پریس کلبز قیادت کا پی ایم ڈی اے پر مزید بات چیت جاری رکھنے پر اتفاق کیا ہے۔