پاک بحریہ کیلئے تیار کیے جانے والے جہاز کی چین میں لانچنگ تقریب منعقد ہوئی۔

ترجمان پاک بحریہ کی جانب سے جاری بیان میں کہا گیا کہ پاک بحریہ کیلئے چین میں تیار کیے جانے والے تیسرے 054 فریگیٹ جہاز کی لانچنگ کی تقریب منعقد ہوئی، تقریب کا اہتمام ہڈونگ ژونگوا شپ یارڈ چائنہ میں کیا گیا۔

ترجمان پاک بحریہ کا کہنا تھا کہ اسٹیٹ آف دی آرٹ فریگیٹ جہازوں کی تیاری پاکستان اور چین کی لازوال دوستی کی عکاس ہے۔

ترجمان پاک بحریہ کا مزد کہنا تھا کہ یہ جہاز ہر قسم کی جدید ٹیکنالوجی، جنگی آلات، اسلحے اور سینسرز سے لیس ہوگا جبکہ پاک بحریہ کے بیڑے میں اس جہاز کی شمولیت سے ملکی سمندری دفاع کو مذید تقویت بھی ملے گی۔