عمران صاحب نے الیکشن بیچنا ہوتا ہے لڑنا نہیں ہوتا، مریم اورنگزیب

اریبہ تنویر

02nd Aug, 2021. 08:21 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

عمران صاحب نے الیکشن بیچنا ہوتا ہے لڑنا نہیں ہوتا، مریم اورنگزیب

پاکستان مسلم لیگ (ن) کی ترجمان مریم اورنگزیب نے کہا ہے کہ عمران صاحب الیکشن بیچتے ہیں، لڑتے نہیں ہیں۔

تفصیلات کے مطابق پاکستان مسلم لیگ (ن) کی ترجمان مریم اورنگزیب نے عمران خان کے بیان پر ردعمل دیتے ہوئے کہا کہ ‎عمران عمران صاحب کیوں جھوٹ بولتے ہو؟ یہ وقت بھی آنا تھا کہ 50 لاکھ گھر عوام کو نمائش کی تصویروں میں دکھائے جائیں گے۔

ان کا کہنا تھا کہ 90 دن میں کرپشن ختم ہونا تھی لیکن عمران کرپشن کا سونامی لے آئے ہیں،200 ارب ڈالر باہر سے لانا تھے، انھوں نے 16000 ارب کا قرض لاد دیا۔

پاکستان مسلم لیگ (ن) کی ترجمان کا کہنا تھا کہ وزیراعظم ہاؤس کو یونیورسٹی بننا تھا اب اس کے کمرے کرائے پر دینے کا اعلان ہو رہا ہے۔

مریم اورنگزیب کا کہنا تھا کہ غریب کو اوپر لانے والے نے 2 کروڑ لوگوں کو خط غربت سے نیچے پہنچا دیا ہے۔

پاکستان مسلم لیگ (ن) کی ترجمان مریم اورنگزیب نے کہا ہے کہ عمران خان کوعوام کی ہرگز فکر نہیں ہے، نچلے طبقے کو اوپر لانے کیلئے اے ٹی ایمز اور مافیاز کو ان پر مسلط کردیا ہے۔