رینجرز ہیڈکواٹر میں ڈی جی رینجرز کی زیر صدارت اجلاس

اریبہ تنویر

11th Aug, 2021. 06:00 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

رینجرز ہیڈکواٹر میں ڈی جی رینجرز کی زیر صدارت اجلاس

رینجرز ہیڈکواٹر میں ڈی جی رینجرز کی زیر صدارت اجلاس منقعد ہوا ہے۔

تفصیلات کے مطابق یہ اجلاس کراچی میں منقعد ہوا جس میں رینجرز، پولیس اور حساس اداروں کے افسران نے شرکت کی۔ اجلاس میں یوم عاشورہ اور 14 اگست کے موقع پر سیکیورٹی اقدامات کا جائزہ لیا گیا۔

اجلاس میں بریفنگ پیش کی گئی جس میں بتایا گیا کہ صوبائی حکومت کی طرف سے دئیے گئے احکامات کی روشنی میں مروجہ قوانین کی پاسداری کو ہر ممکن طور پر یقینی بنایا جائے گا۔

ذرائع کا کہنا ہے کہ اجلاس میں فیصلہ کیا گیا کہ رینجرز اور پولیس یکم محرم الحرام سے جاری مشترکہ فلیگ مارچ اوراسنیپ چیکنگ کے عمل کو مزید مؤثر بنائے گی۔

ترجمان رینجرز کا کہنا تھا کہ مکاتب فکر کے اجتماعات، مجالس، جلوسوں اور داخلی اور خارجی راستوں کی سیکیورٹی کو یقینی بنایا جائے گا۔

ترجمان رینجرز نے کہا کہ خلاف ورزی کرنے والے عناصر کے خلاف سخت تادیبی کارروائی کی جا ئے گی۔

ترجمان رینجرز کا مزید کہنا تھا کہ علماء کرام سے اپیل ہے صوبے بھر میں امن وامان قائم کرنے میں قانون نافذ کرنے والے اداروں کے ساتھ بھرپور تعاون کریں۔