پیپلز پارٹی نے وفاقی حکومت کے خلاف بائی پاس پر دھرنا دینے کا فیصلہ کیا ہے۔

تفصیلات کے مطابق حیدرآباد میں پیپلز پارٹی نے وفاقی حکومت کے خلاف بائی پاس پر دھرنا دینے کا فیصلہ کیا ہے جس میں سندھ کہ صدر نثار کہوڑو، صوبائی وزیر جام خان شورو، صدر حیدرآباد صغیر قریشی شراقین نے خطاب کریں گے۔ دھرنے میں ایم پی اے جبار خان اور ضلعے قیادت شرکت کریں گے۔

ذرائع کا کہنا ہے کہ پارٹی نے وفاقی محکمہ جات سے ملازمین کی برطرفی، گیس، بجلی، پانی و مہنگائی کے خلاف احتجاج کرنے کا فیصلہ کیا ہے۔

ذرائع کے مطابق پارٹی کارکنان ریلی کی صورت میں قاسم آباد بائی پاس پہنچ  رہے ہیں اور جیالے وفاقی حکومت کے خلاف نعرے بازی بھی کر رہے ہیں۔

ذرائع کا کہنا ہے کہ دھرنے کے باعث نیشنل ہائی وے بلاک کر دیا گیا ہے۔ نیشنل ہائی وے پر چھوٹی اور بڑی گاڑیوں سے دونوں اطراف لائینیں لگ گئی ہیں۔

ذرائع کا کہنا ہے کہ نیشنل ہائی وے پر ٹریفک بلاک ہونے سے عوام سخت پریشانی کا شکار ہے۔

ذرائع کے مطابق مقامی قیادت نے دھرنے کے شرکاء سے خطاب کرتے ہوئے کہا کہ سندھ کو وفاق اپنے حصے کا پانی فراہم نہیں کر رہا ہے۔

مظاہرین نے کہا کہ پانی کی غیر منصفانہ تقسیم پر سندھ کی عوام کوئی سمجھوتا نہیں کرے گی۔ اب وہ دن دور نہیں ہے کہ ان دھرنوں کا رخ اسلام آباد کی طرف ہو گا۔

مظاہرین کا کہنا تھا کہ ہمارے سندھ کے 16 ہزار لوگوں کو وفاق نے بے روزگار کر دیا ہے۔

ان کا کہنا تھا کہ گیس اور بجلی کی لوڈشیڈنگ برقرار ہے اور ان کی قیمتوں میں وفاق نے اضافہ کر دیا ہے۔

مظاہرین نے کہا کہ نیازی سرکار سندھ پر ہونے والی زیادتیاں بند کرے۔

مظاہرین کا مزید کہنا تھا کہ سندھ کی عوام پیپلز پارٹی کے ساتھ ہے، اب عوام کسی صورت بھی وفاق سے ہونے والا ظلم برداشت نہیں کرے گی۔