پیپلز پارٹی بدعنوان حکومت ہے، سینیئر ڈپٹی کنوینئر ایم کیو ایم عامر خان

اریبہ تنویر

27th Sep, 2021. 12:23 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

پیپلز پارٹی بدعنوان حکومت ہے، سینیئر ڈپٹی کنوینئر ایم کیو ایم عامر خان
جلالپورپیروالا: سیلابی پانی میں ڈوبنے سے مزید دو افراد جاں بحق، فضاء سوگوار
ڈی جی آئی ایس پی آر کا بلوچستان یونیورسٹی آف انفارمیشن ٹیکنالوجی، انجینئرنگ اینڈ مینجمنٹ سائنسز کوئٹہ کا دورہ
کورکی میں مقامی قبائل اور فتنہ الہندوستان کےدرمیان جھڑپ 4 دہشتگرد ہلاک،2 زخمی

Now Reading:

پیپلز پارٹی بدعنوان حکومت ہے، سینیئر ڈپٹی کنوینئر ایم کیو ایم عامر خان

سینیئر ڈپٹی کنوینئر ایم کیو ایم عامر خان نے کہا ہے کہ پیپلز پارٹی بدعنوان حکومت ہے۔
تفصیلات کے مطابق ایم کیو ایم پاکستان کے سینیئر ڈپٹی کنوینئر عامر خان نے نیا ناظم آباد میں رہائشیوں کے لیے فری میڈیکل کیمپ کے بارے میں پریس کانفرنس کرتے ہوئے کہا کہ کراچی والوں کو سہولت ملتی ہے تو اچھی بات ہے۔
عامر خان نے کہا کہ ایام ہجرت کے حوالے سے نیا ناظم آباد کے رہائشیوں نے یہ پروگرام منعقد کیا، یہاں فری میڈیکل ٹیسٹ کیے جا رہے ہیں، یہ ہے مہاجر کلچر اور ان کی تہذیب۔ ایسی سماجی کام ہوتے ہیں تو معاشرہ ترقی کرتا ہے۔
انہوں نے کہا کہ پیپلز پارٹی بدعنوان حکومت ہے اور وہ وقت دور نہیں جب پیپلز پارٹی پورے کراچی اور اداروں کو فروخت کردے گی۔ جب تک عوام کو پیپلز پارٹی کی حکومت سے نجات نہیں ملے گی صوبہ اور کراچی ترقی نہیں کرے گا۔
ان کا کہنا تھا کہ ایم کیوایم اتحادی جماعت ہے حکومت کو چائیے کہ اتحادی جماعت کا خیال کرے۔

عامر خان کا کہنا تھا کہ وزیراعظم عمران خان کراچی آ رہے ہیں۔ پرائم منسٹر اس سے قبل بھی کراچی آئے مگر ہم سے ملاقات نہیں کی۔ ہمیں کل سرکلر ریلوے کے لیے بلایا گیا ہے یا نہیں مجھے نہیں معلوم۔ گرین لائن منصوبہ پہلے ہی تاخیر کا شکار ہے۔
ایم کیو ایم پاکستان کے سینیئر ڈپٹی کنوینئر عامر خان نے مزید کہا کہ ہم اتحادی جماعت ہیں۔ عمران خان پہلے بھی کراچی آئے تو انھوں نے ملاقات نہیں کی تھی، امید ہے عمران خان اہم منصوبوں اور مشاورت میں ہمیں شامل رکھیں گے۔