سروں کے بے تاج بادشاہ، استاد امانت علی خان کی 47 ویں برسی

عروبہ خان

18th Sep, 2021. 09:53 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سروں کے بے تاج بادشاہ، استاد امانت علی خان کی 47 ویں برسی

پاکستان کے نامور موسیقار اور گلوکار استاد امانت علی خان کو مداحوں سے بچھڑے 47 برس بیت گئے۔

سریلی آواز کے مالک استاد امانت علی خان نے 1922 کو بھارتی صوبے پنجاب کے علاقے ہوشیار پور میں جنم لِیا جن کا تعلق برصغیر کے مشہور موسیقار گھرانے پٹیالہ سے تھا۔

پاکستان ہجرت کے بعد امانت علی خان نے گائیکی کی تربیت اپنے والد سے حاصل کی اور اپنا فنی سفر ریڈیو پاکستان سے شروع کیا۔

ملی نغموں،غزلوں اور کلاسیکل گیتوں میں شہرت کی بلندیوں کو چھونے والے استاد امانت علی خان کی آواز میں کمال کی نرمی تھی جو سننے والوں پر سحر طاری کردیتی تھی۔

آتش کی غزل ’’یہ آرزو تھی تجھے گل کے روبرو کرتے‘‘ظہیر کاشمیری کی غزل ’’موسم بدلا رت گد رائی اہل جنوں بے باک ہوئے‘‘،سیف الدین سیف کی غزل’’مری داستان حسرت وہ سنا سنا کے روئے،‘‘ ان کے کچھ ایسے ہی گائے ہوئے بے مثال نغمے ہیں جو ان کو اپنے چاہنے والوں کے دلوں میں آج تک زندہ رکھے ہوئے ہیں۔

17ستمبر 1974 کو استاد امانت علی خان 52 برس کی عمر میں لاہورمیں اپنے خالقِ حقیقی سے جا ملے۔

ان کی خدمات کے اعتراف میں انہیں حکومت پاکستان نے پرائڈ آف پرفارمنس سے بھی نوازا گیا ہے۔