مشیر داخلہ و احتساب بیرسٹر شہزاد اکبر نے کہا ہے کہ شہباز شریف اورسلمان شہباز کی بریت کی خبر غلط اور مس رپورٹنگ ہے۔
تفصیلات کے مطابق مشیر داخلہ و احتساب بیرسٹر شہزاد اکبر نے سماجی رابطے کی ویب سائٹ ٹوئٹر پر اپنے ایک پیغام میں کہا کہ شہباز شریف اور سلمان شہباز کی بریت کی خبر غلط اور مس رپورٹنگ ہے، کوئی ٹرائل تھا ہی نہیں جو بریت ہوتی۔

The news about alleged ‘acquittal’ of Shabaz Sharif or his son Suleiman Shabaz run by one news channel is incorrect and misreporting.
The investigation by the NCA against Suleiman Shabaz and some of his family members was not initiated at the request of ARU or NAB.1/4

Advertisement

— Mirza Shahzad Akbar (@ShazadAkbar) September 27, 2021

انہوں نے کہا کہ سلمان شہباز منی لانڈرنگ کیس میں لاہور کی عدالت سے مفرور ہیں۔
شہزاد اکبر نے کا کہنا تھا کہ برطانوی حکام نے 2019 کے کچھ فنڈز کو مشکوک قرار دے کر تحقیقات شروع کی تھیں۔ مشکوک فنڈز پر برطانوی حکام نے کورٹ سے فریزنگ آرڈر حاصل کر رکھا تھا۔
مشیر داخلہ و احتساب نے کہا کہ این سی اے نے خود تحقیقات روک کر فنڈز ریلیز کرنے کا فیصلہ کیا ہے۔
بیرسٹر شہزاد اکبر کا مزید کہنا تھا کہ ریلیز آرڈر کا یہ مطلب نہیں کہ فنڈز جائز ذرائع سے وصول ہوئے تھے۔