وزیراعلیٰ سندھ سید مراد علی شاہ نے کہا ہے کہ گزشتہ 24 گھنٹوں میں کورونا کے 14751 نمونوں کی جانچ کی گئی ہے۔

تفصیلات کے مطابق وزیراعلیٰ سندھ نے کورونا وائرس کی صورتحال سے متعلق بیان دیتے ہوئے کہا کہ گزشتہ 24 گھنٹوں میں مزید 784 نئے کیسز رپورٹ ہوئے ہیں۔

ان کا کہنا ہے کہ گزشتہ 24 گھنٹوں میں 15 اموات رپورٹ ہوئی ہیں۔

انہوں نے بتایا کہ اموات کی مجموعی تعداد 7310 ہو چکی ہے۔

مراد علی شاہ کا کہنا تھا کہ آج مزید 148 مریض صحتیاب ہوئے ہیں اور صحتیاب افراد کی مجموعی تعداد 415127 ہو چکی ہے۔

ان کا کہنا تھا کہ اب تک 5908680 نمونوں کی جانچ کی جا چکی ہے اور اب تک اب تک 452328 کیسز رپورٹ ہو چکے ہیں۔

انہوں نے کہا کہ اس وقت 29891 مریض زیر علاج ہیں۔

وزیراعلیٰ سندھ کا کہنا تھا کہ 29261 گھروں میں، 38 آئسولیشن سینٹرز میں اور 592 مریض مختلف اسپتالوں میں زیر علاج ہیں۔

مراد علی شاہ نے کہا کہ 530 مریضوں کی حالت تشویشناک بتائی گئی ہے، 37 مریض وینٹی لیٹرز پر ہیں۔

ان کا کہنا تھا کہ صوبے کے 784 نئے کیسز میں سے 395 کیسز کا تعلق کراچی سے ہے۔

انہوں نے کہا کہ ضلع وسطی 123، ضلع شرقی 110، کورنگی 47، ضلع جنوبی 43، ضلع غربی 37 اور ملیر میں سے 35 نئے کیسز رپورٹ ہوئے ہیں۔

وزیراعلیٰ سندھ سید مراد علی شاہ کا مزید کہنا تھا کہ حیدرآباد 63، سجاول 41، شہید بے نظیر آباد 40، بدین 35، مٹیاری 26، ٹنڈو محمد خان 25، سانگھڑ 24، تھرپارکر اور ٹھٹھہ 18۔ 18، میرپورخاص 16، دادو اور ٹنڈو الہ یار 14۔ 14، لاڑکانہ 10، خیرپور 7، گھوٹکی اور جیکب آباد 2۔ 2، کشمور، سکھر، شکارپور، عمرکوٹ  اور نوشہروفیروز میں1 اور 1 نئے کیسز سامنے آئے ہیں۔