تھانہ نوشہرہ جدید پولیس کی کارروائی، 3 خطرناک ملزم گرفتار

اریبہ تنویر

07th Oct, 2021. 12:10 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

تھانہ نوشہرہ جدید پولیس کی کارروائی، 3 خطرناک ملزم گرفتار

تھانہ نوشہرہ جدید پولیس نے کارروائی کر کے 3 خطرناک ملزم گرفتار کر لیے ہیں۔
تفصیلات کے مطابق بہاول پور میں تھانہ نوشہرہ جدید پولیس نے کارروائی کر کے سنگین مقدمات میں ملوث بین الاضلاعی بلا میوڑہ گینگ کا سرغنہ 02 ساتھیوں سمیت گرفتار کر لیا ہے۔
پولیس کا کہنا ہے کہ گرفتارملزمان میں کریم بخش عرف بلامیوڑہ، بشیر احمد عرف جنگلی اورسعید احمد عرف شیڈو شامل ہیں۔ گینگ ملزمان بہاول پور، ملتان، لودھراں اور رحیم یار خان میں درجنوں مقدمات میں ملوث ہیں۔
پولیس کا کہنا ہے کہ ملزمان نے تھانہ نوشہرہ جدید کے علاقے میں ڈکیتی معہ قتل، ڈکیتی، سرقہ بالجبر اور چوری کے 08 مقدمات میں ملوث ہونے کا اعتراف کیا ہے۔
ذرائع کے مطابق پولیس نے ملزمان سے وارداتوں میں استعمال ہونے والا اسلحہ، ناجائز رائفل بور اور پسٹل بور پر قبضہ کر لیا ہے اور ان پر مقدمات درج کر لیے ہیں۔

پولیس کا کہنا ہے کہ ملزمان کی نشاندہی پر 3 عدد موٹرسائیکلوں سمیت 03 لاکھ 36 ہزار روپے سے زائد مالیت کا مال مسروقہ بر آمد ہوا ہے۔
ذرائع کا کہنا ہے کہ ڈی پی او نے تھانہ نوشہرہ جدید پولیس کی کارکردگی کو لائق تحسین قرار دیا اور شاباشی بھی دی ہے۔