وزیر اعظم پاکستان کے ویژن کے تحت آزاد کشمیر کو خوشحال بنائیں گے، وزیر اعظم آزاد کشمیر

اریبہ تنویر

14th Oct, 2021. 08:56 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

وزیر اعظم پاکستان کے ویژن کے تحت آزاد کشمیر کو خوشحال بنائیں گے، وزیر اعظم آزاد کشمیر

وزیر اعظم آزاد کشمیر سردار عبدالقیوم نیازی نے کہا ہے کہ وزیر اعظم پاکستان کے ویژن کے تحت آزاد کشمیر کو خوشحال بنائیں گے۔
تفصیلات کے مطابق وزیر اعظم آزاد کشمیر سردار عبدالقیوم نیازی کی زیر صدارت تحریک انصاف کی پارلیمانی پارٹی و ٹکٹ ہولڈرز کا اجلاس ہوا جس میں آزاد کشمیر کی تعمیر و ترقی کی حکمت عملی کے حوالے سے مشاورت ہوئی۔
ذرائع نے کہا کہ اجلاس میں آزاد کشمیر کے تمام اضلاع میں ایڈمنسٹریٹرز تعینات کرنا، مقبوضہ کشمیر بھارتی افواج کی تازہ کارروائیوں کی مذمت، عالمی برادری سے مقبوضہ کشمیر کی صورتحال کا نوٹس لینے، عشرہ رحمت اللعالمین کے حوالے سے پروگرامات منعقد کرنے، وزیر اعظم پاکستان عمران خان کی جانب سے رحمت اللعالمین اتھارٹی بنانے اور 24 اکتوبر کو یوم تاسیس بھرپور انداز میں منانے کا فیصلہ ہوا ہے۔

وزیر اعظم آزاد کشمیر نے کہا کہ وزیر اعظم پاکستان کے ویژن کے تحت آزاد کشمیر کو خوشحال بنائیں گے۔ بلدیاتی انتخابات کے تحت اختیارات کو نچلی سطح پر منتقل کیا جائے گا۔
سردار عبدالقیوم نیازی کا کہنا تھا کہ آزاد کشمیر میں کرپشن کسی صورت برداشت نہیں کی جائے گی۔

ذرائع نے کہا کہ اجلاس نے وزیراعظم آزاد کشمیر سردار عبد القیوم نیازی کے اب تک کے اقدامات کو تسلی بخش و مثالی قرار دیا ہے۔
شرکاء اجلاس کا اجلاس میں کہنا تھا کہ تمام ٹکٹ ہولڈرز جو انتخابات ہار گئے تھے ان کو بھی پارلیمانی پارٹی کے اجلاس میں بلانا تاریخی فیصلہ ہے۔ وزیر اعظم سردار عبد القیوم نیازی کے اس فیصلے سے بلدیاتی انتخابات پر بہت اچھا اثر پڑے گا اور تحریک انصاف کو تاریخ ساز کامیابی حاصل ہو گی۔
شرکاء اجلاس کا مزید کہنا تھا کہ وزیر اعظم سردار عبد القیوم نیازی وزیراعظم پاکستان عمران خان کے ویژن کو عملی جامہ پہنانے کے لیے سرگرم ہیں۔ ہم اس پر بھرپور تعاون کریں گے۔