ہمیں ہر پہلو سے اپنے ہیروز پر فخر ہے، ذبیح اللہ

اریبہ تنویر

31st Oct, 2021. 08:02 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ہمیں ہر پہلو سے اپنے ہیروز پر فخر ہے، ذبیح اللہ

طالبان کے ترجمان اور نائب وزیراطلاعات ذبیح اللہ مجاہد نے کہا ہے کہ ہمیں ہر پہلو سے اپنے ہیروز پر فخر ہے۔
ذبیح اللہ مجاہد نے سماجی رابطے کی ویب سائٹ ٹوئٹر پر جاری کردہ اپنے ایک پیغام میں کہا کہ نمیبیا کے خلاف ہماری قومی کرکٹ ٹیم کی جیت پر کرکٹ ہیروز، کرکٹ بورڈ اور پوری قوم کو مبارکباد پیش کرتا ہوں، ہمیں ہر پہلو سے اپنے ہیروز پر فخر ہے۔

د ناميبيا په مقابل کې زموږ د کرکټ ملي لوبډلې بريا دې لومړی د کرکټ اتلانو، کرکټ بورد او ټول اولس ته مبارک وي.
موږ په هره برخه کې پخپلو اتلانو وياړو.
Advertisement
— Zabihullah (..ذبـــــیح الله م ) (@Zabehulah_M33) October 31, 2021

واضح رہے کہ ٹی ٹوئنٹی ورلڈکپ کے سپر 12 مرحلے میں افغانستان نے نمیبیا کو با آسانی 62 رنز سے شکست دے دی ہے۔
ابو ظہبی کرکٹ اسٹیڈیم میں کھیلے گئے اس میچ میں افغانستان نے ٹاس جیت کر پہلے بیٹنگ کا فیصلہ کیا۔
افغانستان نے پہلے بیٹنگ کرتے ہوئے مقررہ 20 اوورز میں 5 وکٹوں کے نقصان پر 160 رنز بنائے۔
افغانستان کی جانب سے محمد شہزاد نے 45 رنز کی اننگ کھیلی، حضرت اللہ ززئ 33،کپتان محمد نبی 32 جبکہ اصغر افغان نے 31 رنز کی اننگ کھیلی۔

نمیبیا کی جانب سے روبن ٹرمپلمین اور لوفٹی ایٹون نے 2،2 وکٹیں حاصل کیں جبکہ اسمتھ نے 1 وکٹ حاصل کی۔
ہدف کے تعاقب میں نمیبیا کی بیٹنگ لائن اپ لڑکھڑا گئی اور مقررہ 20 اوورز میں صرف 98 رنز بنا سکی۔
نمیبیا کی جانب سے ڈیوڈ ویس نے 26 رنز کی اننگ کھیلی، لوفٹی ایٹون 14،مائیکل وان 11، کپتان ایراسمس صرف 12 رنز بنا سکے جبکہ نمیبیا کے 6 بلے باز ڈبل فگر میں داخل نہ ہو سکے۔
افغانستان کی جانب سے نوید الحق اور حامد حسن نے 3،3 وکٹیں حاصل کیں، گلبدین 2 جبکہ راشد خان نے 1 وکٹ حاصل کی۔