چائے، برصغیر کے لوگون کی سب سے زیادہ پسند کی جانے والی مشروب ہے جو کہ ہر عمر کا شخص بہت شوق سے پیتا ہے۔

دنیا بھر میں چائے پینے کے شوقین افراد کی تعداد کروڑوں میں ہے  جن کی بڑی تعداد اپنے دن کا آغاز چائے پی کر ہی کرتی ہے۔

لیکن اگر صرف پاکستان کی بات کی جائے تو ہر سال ار بون کی چائے کا استعمال صرف ایک ملک میں کیا جاتا ہے لیکن گزشتہ 3 ماہ کی رپورٹ کے مطابق پاکستان میں اب تک 24 ارب روپے کی  چائے استعمال کی جاچکی ہے۔

وفاقی ادارہ شماریات کی رپورٹ کے مطابق گزشتہ مالی سال کے دوران اسی عرصے میں 285 ارب 34 کروڑ روپے کی اشیائے خوردو خوش درآمد کی گئیں۔ مجموعی طور پرمالی سال کے ابتدائی تین ماہ میں 3 ہزار ارب روپے سے زائد کی درآمدات کی گئیں جو کہ گزشتہ مالی سال کے اسی عرصے میں 18 سو 88 ارب روپے سے زائد تھیں۔

ادارہ شماریات کے مطابق جولائی تا ستمبر تک 146 ارب روپے سے زائد کا پام آئل درآمد کیا اور جولائی تا ستمبر 16 ارب 63 روپے سے زائد کی گندم درآمد کی گئی۔

جولائی تا ستمبر 15 ارب روپے سے زائد کی چینی درآمد کی گئی، جب کہ 3 ماہ میں پاکستانی 24 ارب 80 کروڑ روپے کی چائے پی گئے۔ اسی عرصے میں 11 ارب روپے سے زائد کے مسالہ جات درآمد کئے گئے جبکہ 36 ارب 57 کروڑ روپے سے زائد کی دالیں درآمد کی گئیں