حکومت کوویڈ 19 وباء کے خلاف ویکسینیشن مہم کو جاری رکھے، وفاقی وزیر اقتصادی امور عمر ایوب خان

اریبہ تنویر

07th Oct, 2021. 07:06 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

حکومت کوویڈ 19 وباء کے خلاف ویکسینیشن مہم کو جاری رکھے، وفاقی وزیر اقتصادی امور عمر ایوب خان

وفاقی وزیر اقتصادی امور عمر ایوب خان نے کہا ہے کہ حکومت کوویڈ 19 وباء کے خلاف ویکسینیشن مہم کو جاری رکھے۔
تفصیلات کے مطابق وفاقی وزیر عمر ایوب خان کی صدارت میں کورونا ویکسین کی خریداری کے لیے اضافی فنانسنگ کے حوالے سے اجلاس منعقد ہوا جس میں ایشیائی ترقیاتی بینک کی ایشیاء پیسیفک ویکسین تک رسائی کی سہولت کے تحت پاکستان کے لیے اضافی سرمائے کے آپشن پرغورکیا گیا۔
ذرائع کا کہنا ہے کہ اجلاس میں وزیر اقتصادی امور عمر ایوب خان نے کورونا وباء سے بچاؤ کے لیے اقدامات پر بریفنگ دی اور بریفنگ میں آبادی کے بڑے حصے کو ویکسینیشن کرانے کے حوالے سے کوششوں پر روشنی ڈالی۔
وزیر اقتصادی امور نے اجلاس میں کہا کہ ایشیائی ترقیاتی بینک اضافی فنانسنگ کی فراہمی کو یقینی بنائے گا۔
عمر ایوب خان نے یہ بھی کہا کہ حکومت کوویڈ 19 وباء کے خلاف ویکسینیشن مہم کو جاری رکھے۔

ذرائع کے مطابق اے ڈی بی کی جانب سے اگست دو ہزار اکیس میں فراہم کیے گئے پچاس کروڑ ڈالر میں سے چالیس کروڑ نوے لاکھ ڈالر ویکسین کی خریداری کے لیے استعمال کیے جا چکے ہیں۔
ذرائع کا کہنا ہے کہ اجلاس میں ایشیائی ترقیاتی بینک کے کنٹری ڈائریکٹر نے کوویڈ 19 سے بچاؤ کے لیے کورونا ویکسین مہم کے حوالے سے پاکستان کی کوششوں میں تعاون جاری رکھنے کے عزم کا اعادہ کیا ہے۔