شاہدرہ کے ہسپتال میں ہراساں کرنے کا معاملہ، مقدمہ درج

اریبہ تنویر

14th Oct, 2021. 06:20 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

شاہدرہ کے ہسپتال میں ہراساں کرنے کا معاملہ، مقدمہ درج

شاہدرہ کے ہسپتال میں ہراساں کرنے کا معاملہ پیش آیا ہے جس کا مقدمہ درج کر لیا گیا ہے۔
تفصیلات کے مطابق شاہدرہ گورنمنٹ ٹیچینگ ہسپتال میں سینئر میڈیکل آفیسر نے خاتون ملازمہ کو حراساں کرنے کی کوشش کی جس پر کمپیوٹر آپریٹر خاتون نے سینئر میڈیکل آفیسر کے خلاف مقدمہ درج کروا دیا ہے۔
متاثرہ خاتون نے کہا کہ ڈاکٹر شہباز نے کمرے میں بلا کر حراساں کرنے کی کوشش کی جس سے میرے جسم پر زخم بھی موجود ہیں۔
متاثرہ خاتون نے کہا کہ ڈاکٹر شہباز نے بات سننے کے بہانے ویکسینیشن کمرے میں بلایا اور زبردستی مجھے کھینچا جس سے میرے کپڑے بھی پھٹ گئے اور گھبراہٹ سے میں نے چیخنا شروع کر دیا اور بھاگ کر اپنی عزت بچالی۔
متاثرہ خاتون کا یہ بھی کہنا تھا کہ میرے جسم پر زخموں کی میڈیکل رپورٹ بھی موجود ہے۔

متاثرہ خاتون کا الزام ہے کہ یہ ڈاکٹر میرے علاوہ بھی اسٹاف کی متعدد لڑکیوں کو درندگی کا نشانہ بنا چکا ہے۔ ڈاکٹر شہباز کے ہسپتال کی لیبارٹری کی ملازمہ کے ساتھ بھی ناجائز تعلقات ہیں۔
ذرائع نے کہا کہ خاتون نے اعلیٰ حکام سے ڈاکٹر کے خلاف سخت کارروائی کرنے کی اپیل کی ہے۔