سموگ سے بچاؤ کے لیے پنجاب حکومت کا فضائی آلودگی پھیلانے والوں کے خلاف سخت کارروائی کا فیصلہ

اریبہ تنویر

12th Oct, 2021. 12:50 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سموگ سے بچاؤ کے لیے پنجاب حکومت کا فضائی آلودگی پھیلانے والوں کے خلاف سخت کارروائی کا فیصلہ

سموگ سے بچاؤ کے لیے پنجاب حکومت نے فضائی آلودگی پھیلانے والوں کے خلاف سخت کارروائی کا فیصلہ کیا ہے۔
تفصیلات کے مطابق پنجاب حکومت نے کہا ہے کہ فصلوں کی باقیات، کوڑا کرکٹ جلانے اور فضائی آلودگی کا سبب بننے والی صنعتوں اورگاڑیوں کے خلاف کارروائی کی جائے گی۔
ذرائع نے کہا کہ چیف سیکرٹری پنجاب نے صوبے میں نافذ دفعہ 144 پر شہریوں کو سختی سے عملدر آمد کرنے کی ہدایت دی ہے۔ دفعہ 144 کے تحت فصلوں کی باقیات، کوڑا کرکٹ اور پلاسٹک جلانے پر چھ اکتوبر سے ایک ماہ کے لیے پابندی عائد ہے۔
ذرائع نے کہا کہ ہدایات چیف سیکرٹری پنجاب کامران علی افضل کی زیر صدارت اجلاس میں جاری کی گئیں ہیں۔
چیف سیکرٹری نے کہا کہ متعلقہ محکمے سموگ سے بچاؤ کے لیے جاری گائیڈ لائنز پر عملدرآمد یقینی بنائیں کیونکہ اب کوتاہی برداشت نہیں کی جائے گی۔ سموگ سے بچاؤ کے لیے اسے پیدا کرنے والے عوامل کو روکنا ازحد ضروری ہے۔

چیف سیکرٹری کا کہنا تھا کہ سٹیل ملز اور فیکٹریوں میں غیر معیاری ایندھن کے استعمال پر پابندی پر عملدر آمد یقینی بنایا جائے اور شہری سموگ کی روک تھام کے لیے حکومت کی کوششوں کا ساتھ دیں۔
ذرائع کے مطابق ایڈیشنل چیف سیکرٹری داخلہ، ماحولیات، صنعت، زراعت کے سیکرٹریز نے اجلاس میں شرکت کی ہے۔