سندھ میں پی ٹی آئی رہنما قتل

محسن علی

27th Nov, 2021. 01:16 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سندھ میں پی ٹی آئی رہنما قتل

سندھ کے شہر قمبر میں دہشتگردی کی واردات میں پی ٹی آئی رہنما سخاوت راجپوت قتل کردیے گئے ۔

ذرائع کے مطابق پی ٹی آئی رہنماء، بلوچستان رائز ملز ایشن کے سابق سیکرٹری جنرل اور شہر لالول رائنگ کے صدر مسلح افراد کی جانب سے کی گئی فائرنگ سے جاں بحق ہوگئے۔ ۔

تفصیلات کے مطابق یہ واقعہ قمبر کے علاقے لالو رائنک میں پیش آیا جہاں نامعلوم موٹر سائیکل سوار مسلح افراد سخاوت راجپوت پر فائرنگ کر کے فرار ہوگئے ۔

انہیں تشویشناک حالت میں لاڑکانہ چانڈکا اسپتال کے ایمرجنسی وارڈ منتقل کردیا گیا جہاں وہ زخموں کے تاب نہ لاتے ہوئے زندگی کی بازی ہار گئے۔

سخاوت راجپوت نے 2013 میں پی ٹی آئی ٹکٹ پر الیکشن بھی لڑا تھا۔

پولیس کا کہنا ہے کہ ہم تفتیش کرہے ہیں، اس وقت کچھ بھی کہنا قبل از وقت ہے۔

پولیس کے مطابق یہ معاملہ سیاسی بھی ہوسکتا ہے اور ذاتی بھی، تفتیش کے بعد ہی حقائق سے گھر والوں کو اور میڈیا کو آگاہ کرسکیں گے۔

پولیس حکام نے مزید بتایا کہ اس حوالے سے انکی طرف سے کوئی شکایت پولیس میں پہلے نہیں کروائی گئی تھی، اس قتل کو ہم نے پوری طرح چھان بین کرکے ہی آگاہ کرنا ہے، ہم ملزموں کو کیفرکردار تک پہنچائیں گے۔