وزیراعظم عمران خان کی جانب سے ٹی 20 ورلڈ کپ کا فائنل میچ دیکھنے کا فیصلہ کیا گیا ہے۔

وزیراعظم نے فیصلہ کیا ہے کہ ٹی20 ورلڈ کپ کا فائنل میچ دیکھیں گے اور آج پاکستان کی جیت کی صورت میں دبئی بھی جائیں گے۔

اس موقع پر وزیراعظم عمران خان کے ساتھ وفاقی وزیر فواد چوہدری ہمراہ ہونگے۔

آئی سی سی مینز ٹی ٹوئنٹی ورلڈکپ 2021 کا فائنل 14 نومبر کو دبئی میں کھیلا جائے گا۔

خیال رہے کہ ٹی20 ورلڈ کپ کے دورے سیمی فائنل میچ میں آج ناقابل شکست پاکستان اور آسٹریلیا مد مقابل ہوں گے، میچ پاکستانی وقت کے مطابق شام 7 بجے شروع ہوگا۔

پاکستان حالیہ ورلڈکپ میں اپنے دو میچز اسی گراؤنڈ میں کھیل چکا ہے، پاکستان ٹیم متحدہ عرب امارات کی سرزمین پر مسلسل 16 میچز میں ناقابل شکست ہے۔

واضح رہے کہ ٹی ٹوئنٹی ورلڈ کپ 2021 میں پاکستان واحد ناقابل شکست ٹیم ہے اور بابر الیون نے گروپ میں تمام 5 میچز کے دوران ٹیم میں کوئی تبدیلی نہیں کی۔

📸 Pakistan team group photo at the historic Sharjah Cricket Stadium.

How would you describe this #T20WorldCup squad in one word?#WeHaveWeWill | #HarHaalMainCricket pic.twitter.com/9eQsv0fPd7

— Pakistan Cricket (@TheRealPCB) November 10, 2021

محمد رضوان، بابر اعظم، فخر زمان، محمد حفیظ، شعیب ملک، آصف علی، شاداب خان، عماد وسیم، حسن علی، حارث رؤف اور شاہین آفریدی نے ٹی ٹوئنٹی ورلڈ کپ کے تمام گروپ میچز میں پاکستان ٹیم کی نمائندگی کی ہے۔

گزشتہ روز پہلے سیمی فائنل میں نیوزی لینڈ نے انگلینڈ کو سنسنی خیز مقابلے کے بعد 5 وکٹوں سے شکست دیدی تھی۔