کوئٹہ انٹر نیشنل ایرپورٹ کا مین رن وے دوبارہ تعمیر کے مراحل میں ہے۔

ترجمان سی اے اے کراچی کا کہنا تھا کہ کوئٹہ کا مین رن وے آج 27 نومبر سے پروازوں کے لئے دستیاب نہیں ہوگا۔ کویٹہ انٹرنیشنل ایئرپورٹ سے فلائٹ آپریشن جاری رکھنے کے لیے سیکنڈری رن وے استعمال ہوگا۔

ان  کا کہنا تھا کہ ایئرپورٹ کی پروازیں معطل کرنے سے متعلق سوشل میڈیا پر افواہیں گردش کر رہی ہیں، یہ افواہیں درست نہیں ہیں، کوئٹہ سے مقامی اور بین الاقوامی پروازیں جاری ہیں۔

انکا مزید کہنا تھا کہ کچھ ائر لائینز نئی صورت حال کے مطابق اپنے آپریشنز میں تبدیلی کررہی ہیں۔ پی آئی اے، سیرین ائر، اور ائر سیال پروازیں جاری رکھے ہوے ہیں۔ تاہم ائر بلو نے 31 دسمبر 2021 تک اپنے آپریشنز معطل کردئے ہیں۔

مزید تفصیلات بتاتے ہوئے انہوں نے کہا کہ فلائی دبئی نے اپنی کل 28 نومبر کی فلائیٹ منسوخ کردی ہے، ائر عریبیہ نے بھی اپنی 29 نومبر کی فلائیٹ منسوخ کردی ہے، کویٹہ انٹرنیشنل ایئرپورٹ سے متعلق مزید اپ ڈیٹس وقت کے ساتھ ساتھ شئیر کی جائیں گی۔

ترجمان کے مطابق کام  جلد مکمل ہوتے ہی رن وے فلائٹز کے لئے فراہم کردیا جائے گا، سوشل میڈیا پر چلنے والی فلائٹ کی خبروں کی تردید کرتے ہیں ۔

پاکستان سول ایوی ایشن اتھارٹی (سی اے اے) کے ترجمان نے یہ بھی کہا ہے کہ اس سلسلے میں مزید معلومات وقت کے ساتھ ساتھ شیئر کی جائیں گی۔