وفاق ہمیشہ ہر بات میں غلط بیانی کرتا ہے، مرتضی وہاب

اریبہ تنویر

19th Nov, 2021. 10:27 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

وفاق ہمیشہ ہر بات میں غلط بیانی کرتا ہے، مرتضی وہاب

رہنما پیپلز پارٹی بیریسٹر مرتضی وہاب نے کہا ہے کہ وفاق ہمیشہ ہر بات میں غلط بیانی کرتا ہے۔

مرتضی وہاب نے اپنے ایک بیان میں کہا کہ نادان حکومت نے بیرون ملک پاکستانیوں کو ووٹ کا حق تو دے دیا مگر پاکستانیوں سے یہ حق چھین لیا۔

انہوں نے کہا کہ ملک بحرانوں کا شکار ہے، یہ نکمے ہیں، آج عام افراد سے لے کر ہر فرد سراپا احتجاج ہے۔

ان کا کہنا تھا کہ صنعتکار پریشان ہیں کہ گیس نہیں مل رہی لیکن نیازی صاحب تو صرف اے ٹی ایمز کو مستفید کر رہے ہیں۔

پچھلے دنوں حماد اظہر نے گیس کی پیداوار کے حوالے سے غلط بیانی کرتے ہوئے کہا تھا کہ سندھ اڑتیس فیصد گیس پیدا کرتا ہے۔

حماد اظہر کے اس بیان کو رد کر کے توانائی کے دستاویز دکھائے۔

وفاق کے جاری کیے گئے دستاویز کے مطابق سندھ نے 64 فیصد، بلوچستان نے بائیس فیصد، کے پی نے گیارہ فیصد اور پنجاب نے تین فیصد گیس پیدا کی۔

انہوں نے کہا کہ سندھ کے اثاثوں پر ہی سندھ کے ساتھ زیادتی کی جا رہی ہے۔

مرتضی وہاب نے مزید کہا کہ سندھ کی صنعتیں اور ٹرانسپورٹرز گیس سے محروم ہیں، اس سے بے روزگاری بڑھے گی۔