واسا نے جاپانی کاؤنٹر ویلیو فنڈ سے 1.6 بلین کا پراجیکٹ شروع کیا، ایم ڈی واسا

اریبہ تنویر

13th Nov, 2021. 08:00 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

واسا نے جاپانی کاؤنٹر ویلیو فنڈ سے 1.6 بلین کا پراجیکٹ شروع کیا، ایم ڈی واسا

ایم ڈی واسا سید زاہد عزیز نے کہا ہے کہ واسا واحد ادارہ ہے جس نے جاپانی کاؤنٹر ویلیو فنڈ سے 1.6 بلین کا پراجیکٹ شروع کیا۔

پاکستان واٹر آپریٹر نیٹ ورک کا 19 واں سٹیئرنگ کمیٹی اجلاس ایبٹ آباد میں منعقد ہوا جس کی سربراہی ایم ڈی واسا سید زاہد عزیز نے کی۔

اس اجلاس میں پانی و نکاسی آب کے تمام اداروں نے اپنے تجربات سے زاہد عزیز کو آگاہ کیا اور ڈپٹی ڈائریکٹر پلاننگ طیب ملک نے واسا لاہور کے پراجیکٹس کے حوالے سے بریفیگ پیش کی۔

نمائندہ یونیسیف سجاد اکبر نے اس موقعے پر کہا کہ یونیسیف پاکستان واٹر آپریٹر نیٹ ورک کے فورم سے پانی و نکاسی آب کے اداروں کو مزید مدد فراہم کرے گا۔

ایم ڈی واسا کا کہنا تھا کہ واسا لاہور کا وہ واحد ادارہ ہے جس نے جاپانی کاؤنٹر ویلیو فنڈ سے 1.6 بلین کا پراجیکٹ لاہور میں شروع کیا اور اب واسا لاہور نان ریونیو واٹر میں کمی کے لیے واٹر زون بنا رہا ہے۔

زاہد عزیز نے کہا کہ پاکستان میں پانی کے میٹر لگانے کی پہلی فیکٹری لگائی جا رہی ہے، میٹر کا ڈیٹا ڈائریکٹ واسا کے بلنگ سسٹم میں شامل ہو گا۔

اس اجلاس میں واسا ایبٹ آباد واسا پشاور اور واسا کوئٹہ نے درپیش مسائل سے اجلاس کے شرکاء کو آگاہ کیا۔