وزیر مملکت فرخ حبیب نے کہا ہے کہ میڈیا کی آزادی پر مریم نواز کی منافقت کھل کر سامنے آ گئی۔
فرخ حبیب نے سماجی رابطے کی ویب سائٹ ٹوئٹر پر اپنے ایک پیغام میں کہا ہے کہ مریم صفدر نے تسلیم کر لیا کہ پاکستانی میڈیا کو کنٹرول کرنے کے لیے اشتہارات بند کرنے والی آڈیو ان کی ہے۔
ان کا کہنا تھا کہ مریم صفدر کس حیثیت سے عوام کے ٹیکس سے دیے جانے والے اشتہارات کو اپنے ذاتی مفاد اور چوری کے تحفظ کے لیے استعمال کر رہی تھیں؟
مریم صفدر نے تسلیم کرلیا کہ پاکستانی میڈیا کو کنٹرول کرنے کے لئے اشتہارات بند کرنے والی آڈیو انکی ہے۔ مریم صفدر کس حیثیت میں عوام کے ٹیکس سے دئیے جانے والے اشتہارات کو اپنے ذاتی مفاد اور چوری کے تحفظ کے لئے استعمال کررہی تھی۔
میڈیا کی آزادی پر انکی منافقت کھل کر سامنے آگئی pic.twitter.com/4cmRNGkQn2Advertisement— Farrukh Habib (@FarrukhHabibISF) November 24, 2021
انہوں نے کہا کہ مریم صفدر وزیراعظم ہاؤس میں بیٹھ کر TV چینلز کے اشتہارات بند کر کے صحافیوں کو بیروزگار کر رہی تھیں۔
فرخ حبیب کا کہنا تھا کہ اب دیکھنا یہ ہے کہ اس پر صحافی تنظیمیں اور میڈیا مالکان کیا ردعمل دیتے ہیں۔
وزیر مملکت نے مزید کہا کہ یہ شریف خاندان کی ڈھٹائی ہے کہ ہر غلط کام کا اعتراف ندامت کے بجائے فخریہ انداز سے کرتے ہیں۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
