بزرگوں کی دیکھ بھال کے طریقوں سے متعلق آن لائن تربیتی پروگرام متعارف

اریبہ تنویر

18th Nov, 2021. 10:27 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

بزرگوں کی دیکھ بھال کے طریقوں سے متعلق آن لائن تربیتی پروگرام متعارف

بزرگوں کی دیکھ بھال کے طریقوں سے متعلق آن لائن تربیتی پروگرام متعارف

کراچی پریس کلب میں ڈاؤ یونیورسٹی اور ایجوکاسٹ نے بزرگوں اور عمر رسیدہ افراد کی دیکھ بھال کے طریقوں سے متعلق آن لائن تربیتی پروگرام کے آغاز کے حوالے سے پریس کانفرنس کی۔

ترجمان یونیورسٹی کا کہنا تھا کہ ڈاؤ یونیورسٹی آف ہیلتھ سائنسز اور ایجوکاسٹ کے اشتراک سے بزرگوں کی صحت و دیکھ بھال سے متعلق آن لائن تربیتی پروگرام کا آغاز کیا جا رہا ہے جس میں بزرگوں کی دیکھ بھال کے حوالے سے جدید طریقے بتائے جائیں گے۔

ترجمان کا کہنا تھا کہ ڈاؤ یونیورسٹی، ایجو کاسٹ اور پریس کلب کے درمیان ایک معاہدہ بھی سائن ہونے جا رہا ہے جس کے تحت یہ کورس بالکل مفت ہو گا۔

انہوں نے کہا کہ یہ کورس تین مہینوں پر مبنی ہے جس میں مختلف موڈیولز ہیں۔

چیف ایگزیکٹوو ایجوکاسٹ عبداللہ بٹ کا اس موقعے پر کہنا تھا کہ ہمیں کمی محسوس ہوئی کہ پاکستان میں گھروں میں ہوم کیئر فراہم کرنے کے لیے لوگوں کو آگاہی نہیں ہے، عوام کو علم نہیں ہے کہ اپنے بزرگوں کی دیکھ بھال گھر میں کیسے کرنی چاہیے۔

ان کا کہنا تھا کہ ہم یکم دسمبر سے پروگرام کا آغاز کر رہے ہیں اور دو سو لوگ ریجسٹر ہو گئے ہیں، یہ پروگرام بالکل مفت ہے۔

انہوں نے مزید کہا کہ ہم ڈاؤ یونیورسٹی کے تعاون کے بہت شکر گزار ہیں۔