ڈاکٹریاسمین راشد نے کہا ہے کہ عوام کو صحت اور تعلیم کے شعبہ جات میں بین الاقوامی معیار کی سہولیات فراہم کرنا عمران خان کی اولین ترجیح ہے۔

صوبائی وزیر صحت ڈاکٹریاسمین راشدکی زیر صدارت محکمہ پلاننگ اینڈ ڈویلپمنٹ میں یونیورسل ہیلتھ انشورنس کی اسٹینڈنگ کمیٹی کا تیسرا اجلاس ہوا۔ ڈاکٹریاسمین راشدنے اجلاس کے دوران پنجاب کی عوام کو یونیورسل ہیلتھ انشورنس کی سہولت فراہم کرنے کیلئے اقدامات کا جائزہ لیا۔

ایڈیشنل سیکرٹری صحت ڈاکٹرآصف طفیل نے اجلاس کے دوران یونیورسل ہیلتھ کوریج کے اقدامات پر بریفنگ دی۔

اس موقع پر صوبائی وزیر صحت ڈاکٹریاسمین راشد نے اظہارخیال کرتے ہوئے کہا کہ وزیراعظم عمران خان کے ویژن کے مطابق یونیورسل ہیلتھ انشورنس پنجاب کی عوام کو صحت کی بہترین سہولیات فراہم کرنے کی جانب ایک شاندارمنصوبہ ہے۔

ڈاکٹریاسمین راشد  نے کہا کہ عمران خان پنجاب کی تمام عوام کو 31دسمبر2021  سے یونیورسل ہیلتھ انشورنس کی سہولت دینے جارہے ہیں، عمران خان سب سے پہلے لاہوراور راولپنڈی کے تمام خاندانوں کو صحت سہولت کارڈ تقسیم کریں گے۔

ان کا کہنا تھا کہ پنجاب کی عوام کو یونیو رسل ہیلتھ انشورنس کی فراہمی کیلئے مزیدہسپتالوں کو ام پینل کیاجارہاہے جبکہ ڈی جی خان اور ساہیوال کی ڈویژنزکے تمام خاندانوں کو یونیورسل ہیلتھ انشورنس کی سہولت فراہم کرچکے ہیں۔

ڈاکٹریاسمین راشد نے کہا کہ صحت کارڈ کے ڈیزائن اور پرنٹنگ کے معاملات پر تبادلہ خیال کیاگیاہے، عوام کو صحت اور تعلیم کے شعبہ جات میں بین الاقوامی معیارکی سہولیات فراہم کرنا عمران خان کی اولین ترجیح ہے۔

صوبائی وزیر صحت ڈاکٹریاسمین راشد کا مزید کہنا تھا کہ پنجاب کی عوا م کو یونیورسل ہیلتھ انشورنس کی سہولت دے کروزیراعظم عمران خان کا خواب پوراکرنے جارہے ہیں۔

اجلاس میں سیکرٹری محکمہ اسپیشلائزڈ ہیلتھ کئیراینڈ میڈیکل ایجوکیشن ڈاکٹراحمدجاویدقاضی،چیئرمین پی اینڈ ڈی عبداللہ خان سنبل،سیکرٹری خزانہ افتخار سہو،ایڈیشنل سیکرٹری ڈاکٹرآصف طفیل،پنجاب ہیلتھ انشی ایٹو مینجمنٹ کمپنی سے کنسلٹنٹ ڈاکٹرعلی رزاق،ڈائریکٹر محمد منیب ودیگر متعلقہ افسران نے شرکت کی جبکہ وزیر خزانہ مخدوم ہاشم جواں بخت اور سیکرٹری محکمہ پرائمری اینڈ سیکنڈری ہیلتھ کئیرعمران سکندربلوچ نے بھی  وڈیولنگ کانفرنس کے ذریعے اجلاس میں شرکت کی۔