احساس راشن رعایت پروگرام سے دو کروڑ خاندان مستفید ہوں گے، ڈاکٹر ثانیہ

اریبہ تنویر

13th Nov, 2021. 08:13 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

احساس راشن رعایت پروگرام سے دو کروڑ خاندان مستفید ہوں گے، ڈاکٹر ثانیہ

وزیراعظم کی معاون خصوصی ڈاکٹر ثانیہ نشتر نے کہا ہے کہ احساس راشن رعایت پروگرام سے دو کروڑ خاندان مستفید ہوں گے۔

ڈاکٹر ثانیہ نے جی ٹی روڈ پر راولپنڈی سے جہلم تک 6 چھوٹے شہروں کا دورہ کیا جس میں روات، مندرہ، گوجر خان، سوہاوہ، دینہ اور جہلم شامل ہیں۔ دورے کا مقصد کریانہ دکانداروں کو احساس راشن رعایت پروگرام سے آگاہی فراہم کرنا تھا۔

انہوں نے ہر شہر میں کریانہ دکانداروں سے ملاقات کی اور دکانداروں کو پروگرام میں رجسٹریشن کے بارے میں بتایا، متعدد کریانہ مالکان کو خود پورٹل پر رجسٹر کروایا۔

ڈاکٹر ثانیہ نے دورے کے دوران مقامی میڈیا، انجن تاجران اور نوجوانوں سے بھی ملاقات کی۔

ان کا کہنا تھا کہ کم آمدنی والے گھرانوں اور کریانہ دکانداروں کی رجسٹریشن پورٹل پر جاری ہے اور کریانہ دکاندار بھی راشن رعایت پروگرام میں شریک ہونے کے لیے خود کو رجسٹر کروا سکتے ہیں۔

انہوں نے مزید کہا کہ ہر سہ ماہی میں کریانہ مالکان کو گاڑیاں، موٹر سائیکل، موبائل فون اور دیگر انعامات قرعہ اندازی کے ذریعے دیے جائیں گے۔

نیشنل بینک، ضلعی انتظامیہ اور احساس کے اعلیٰ افسران بھی ڈاکٹر ثانیہ کے ہمراہ موجود تھے۔