ہمیں رحیم یار خان کی محرومیوں کا خوب احساس ہے، ہاشم جواں بخت

اریبہ تنویر

12th Nov, 2021. 08:44 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ہمیں رحیم یار خان کی محرومیوں کا خوب احساس ہے، ہاشم جواں بخت

وزیر خزانہ پنجاب ہاشم جواں بخت نے کہا ہے کہ ہمیں رحیم یار خان کی محرومیوں کا خوب احساس ہے۔

ہاشم جواں بخت نے رحیم یار خان کے علاقے صادق آباد میں پی ٹی آئی ورکرز سے سرائیکی میں خطاب کرتے ہوئے کہا کہ جنوبی پنجاب کو ہمیشہ ٹیل سمجھا گیا، فنڈ دکھایا گیا مگر یہاں لگایا نہیں گیا۔

ان کا کہنا تھا کہ ہماری حکومت نے قانون میں شق شامل کی جس کے مطابق اب آبادی کے حساب سے فنڈز ملا کریں گے۔

ہاشم جواں کا کہنا تھا کہ ملکی تاریخ کے 70 سالوں میں صرف سات سال کا حساب کریں تو اس حساب سے 265 ارب صرف اس خطے میں دکھائے گئے مگر لگائے نہیں گئے۔

ہاشم جواں بخش نے کہا کہ ڈویلپمنٹ کے ساتھ سرکاری نوکریوں میں اب جنبوبی پنجاب کو شامل کیا جائے گا، بہت جلد یہاں کا نوجوان مجھے خود آ کر بتائے گا کہ میں اس علاقے سے اسسٹنٹ کمشنر بن گیا ہوں۔

ان کا کہنا تھا کہ پاکستان تحریک انصاف اس خطے کی محرومیوں کو دور کرے گی۔

انہوں نے مزید کہا کہ ہم ضلع رحیم یار خان میں امن و امان کی صورت حال اور ترقیاتی منصوبوں پر کام کر رہے ہیں۔