چین کے صدر شی جن پنگ نے کہا ہے کہ چین نے عالمی تجارتی تنظیم سے اپنے الحاق کے وعدوں کو مکمل طور پر پورا کیا ہے۔

چوتھی چائنا انٹرنیشنل امپورٹ ایکسپورٹ تقریب 4 نومبر کی شام کو شنگھائی میں شروع ہوئی جس کی تعریف تقریب میں شرکت کرنے والے بہت سے ممالک کے رہنماؤں اور بین الاقوامی تنظیموں کے سربراہان نے کی۔

صدر شی جن پنگ کا تقریب میں کہنا تھا کہ چین کی ترقی نے نہ صرف اس کے لوگوں کو غربت سے نکالا ہے اور ان کی آمدنی میں اضافہ کیا ہے بلکہ اس سے ترقی پذیر دنیا میں چین کے تجارتی شراکت داروں کو بھی فائدہ پہنچا ہے۔

انہوں نے کہا کہ چائنا انٹرنیشنل امپورٹ ایکسپورٹ چین اور یہاں تک کہ دنیا میں تجارتی پروموشن کی سب سے بڑی سرگرمیوں میں سے ایک ہے اور یہ بین الاقوامی تجارت کو فروغ دینے کے لیے چین کے عزم کی عکاسی کرتی ہے۔

تقریب میں صدر شی جن پنگ نے چینی مارکیٹ کو وسیع تر کھولنے کے لیے نئے وعدے بحی کیے۔

چین کا اعلیٰ سطح کے کھلے پن کو وسعت دینے، ترقی کے مواقع کو دنیا کے ساتھ بانٹنے، اقتصادی عالمگیریت کو مزید کھلے رکھنے اور مشترکہ مفادات کی سمت فروغ دینے کا عزم مضبوط اور برقرار رہے گا۔

ڈبلیو ٹی او کی ڈائریکٹر جنرل انگوزی اوکونجو ایویران کا کہنا تھا کہ ڈبلیو ٹی او میں چین کی شمولیت نے تیز رفتار سے اقتصادی ترقی کو فروغ دیا ہے۔ اس سال کی چائنا انٹرنیشنل امپورٹ ایکسپورٹ اقتصادی بحالی، ترقی، تجارت اور کثیر الجہتی تعاون پر توجہ دے گی اور عالمی معیشت کی بحالی میں اہم کردار ادا کرے گی۔