افسران اپنے اختیارات استعمال کرتے ہوئے لوگوں کے لیے آسانیاں پیدا کریں، کامران علی افضل

ویب ڈیسک

18th Dec, 2021. 08:01 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

افسران اپنے اختیارات استعمال کرتے ہوئے لوگوں کے لیے آسانیاں پیدا کریں، کامران علی افضل

چیف سیکرٹری پنجاب کامران علی افضل نے کہا ہے کہ افسران اپنے اختیارات استعمال کرتے ہوئے لوگوں کے لیے آسانیاں پیدا کریں۔

کامران علی افضل کی زیر صدارت سول سیکرٹریٹ میں سیکرٹریز کانفرنس ہوئی جس میں چیف سیکرٹری نے تمام انتظامی سیکرٹریز کو روزانہ ایک گھنٹہ عوام کے لیے مقرر کرنے کی ہدایت کرتے ہوئے کہا کہ سیکرٹریز روزانہ صبح 10 تا 11 بجے عوام کے محکموں سے متعلق مسائل سنیں اور کام صرف اور صرف میرٹ پر کریں۔

ان کا کہنا تھا کہ محکمانہ ترقی کے کیسز میں تاخیر نہیں ہونی چاہیے جبکہ معینہ مدت سے قبل تبادلہ صرف کرپشن یا نا قص کارکردگی پر کیا جائے۔

چیف سیکرٹری نے کہا کہ افسران اپنے فرائض بلا خوف وخطرے سے سر انجام دیں، صوبائی پروموشن بورڈ ون کا اجلاس ہر دو ماہ بعد باقاعدگی سے منعقد ہو گا۔

انہوں نے کہا کہ انتظامی سیکرٹریز کی کارکردگی کی سہ ماہی بنیادوں پر جانچ ہو گی، آن لائن پورٹل کے ذریعے کارکردگی کی مانیٹرنگ کی جائے گی۔

چیف سیکرٹری نے کانفرنس میں زیر التوا پنشن کیسز کو جلد از جلد نمٹانے سے متعلق ہدایات جاری کیں اور ڈینگی، کوویڈ کی صورتحال اور پاکستان سیٹیزن پورٹل پر شکایات کے ازالے کا جائزہ بھی لیا۔

تمام محکموں کے انتظامی سیکرٹریز نے اجلاس میں شرکت کی۔