ضلعی انتظامیہ لاہور کے افسران کا پناہ گاہوں کا دورہ

ویب ڈیسک

23rd Dec, 2021. 11:39 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ضلعی انتظامیہ لاہور کے افسران کا پناہ گاہوں کا دورہ

ضلعی انتظامیہ لاہور کے افسران نے پناہ گاہوں کے دورے کیے ہیں۔

اسسٹنٹ کمشنر شالیمار تہنیت بخاری نے ریلوے اسٹیشن پناہ گاہ کا دورہ کیا۔

اسسٹنٹ کمشنر سٹی فیضان احمد نے بند روڈ پناہ گاہ کا دورہ جبکہ اسسٹنٹ کمشنر رائیونڈ عدنان رشید نے ٹھوکر نیاز بیگ پناہ گاہ کا دورہ کیا اور 37 افراد رجسٹر کرائے۔

افسران نے پناہ گاہوں میں انتظامات کا جائزہ لیا اور مقیم افراد کے ساتھ مل کر رات کا کھانا کھایا۔

افسران نے مقیم افراد سے فیڈ بیک لیتے ہوئے پناہ گاہوں میں دی جانے والی سہولیات کے بارے میں دریافت کیا۔

انہوں نے مقیم افراد کو سردی کے موسم میں دیے جانے والے بستر کا جائزہ لیا اور پناہ گاہ انتظامیہ کو مقیم افراد کو تمام تر سہولیات کی فراہمی یقینی بنانے کی ہدایت کی۔

مجموعی طور پر انتظامات تسلی بخش تھے۔

واضح رہے کہ یہ دورے ڈی سی لاہور عمر شیر چٹھہ کی ہدایت پر کیے گئے ہیں۔