بلوچستان حکومت نے لوکل گورنمنٹ عملے کی تنخواہیں جاری کر دیں

ویب ڈیسک

06th Dec, 2021. 03:31 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

بلوچستان حکومت نے لوکل گورنمنٹ عملے کی تنخواہیں جاری کر دیں

وزیراعلیٰ بلوچستان میرعبدالقدوس بزنجو نے کہا کہ لوکل گورنمنٹ کی تنخواہوں کے لیے آج ہم نے فنڈز ریلیز کر دیے ہیں۔
کوئٹہ میں میڈیا سے بات کرتے ہوئے ان کا کہنا تھا کہ تنخواہیں دینے کے بعد بھی شہر میں صفائی نہیں ہوئی تو ہم سخت ایکشن لیں گے۔
وزیراعلیٰ بلوچستان نے یاد دلایا کہ انہوں نے حلف لینے کے روز ہی کہا تھا کہ ہمیں صفائی میں کچھ وقت لگے گا۔
ان کا کہنا تھا کہ تین سال سے لوکل گورنمنٹ کی تنخواہوں کے پیسے بند تھےاور اس میں ان کا بھی کوئی قصور نہیں ہے۔

عبدالقدوس بزنجو نے مزید کہا کہ ڈاکٹروں نے عدالت کے حکم کی خلاف ورزی کرتے ہوئے روڈ کو بند کر رکھا تھا، ہم پوری کوشش کررہے ہیں کہ ڈاکٹروں کے مسائل جلد از جلد حل ہوجائیں۔
اُن کا کہنا تھا کہ گوادر مظاہرین کا مسئلہ اس سال جولائی سے چل رہا ہے، اُن کے جائز مطالبات کا جائزہ لے رہے ہیں، اس کا بھی ٹھوس حل نکالنے کی کوشش کرہے ہیں، امید ہے جلد مظاہرین کا دھرنا بھی ختم کردیں گے۔
انہوں نے مزید کہا کہ ہماری حکومت آنے سے پہلے ہر جگہ دھرنے چل رہے تھے، ہم رفتہ رفتہ مسائل کے حل کی جانب بڑھ رہے ہیں، امید ہے جلد ہی تمام دھرنے ختم کرا کے حکومتی معاملات کا پہیہ رواں کرنے میں کامیاب جائیں گے۔