صوبائی وزیر میاں اسلم اقبال کی کرسمس تہوار کے موقع پر مسیحی برادری کومبارکباد

ویب ڈیسک

24th Dec, 2021. 03:46 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

صوبائی وزیر میاں اسلم اقبال کی کرسمس تہوار کے موقع پر مسیحی برادری کومبارکباد

صوبائی وزیر صنعت و تجارت میاں اسلم اقبال نے کرسمَس کے تہوار کے موقع پر مسیحی برادری کو مبارکباد دی اورملک کی تعمیر وترقی میں مسیحی برادری کے کردار کو خراج تحسین پیش کیا ہے۔

صوبائی وزیر نے اپنے پیغام میں کہا کہ حضرت عیسٰی علیہ السلام کی پیدائش کا دن مسلمانوں کے لئے بھی قابل احترام ہے، ہم بطورمسلمان حضرت عیسٰی علیہ السلام کو خدا کا رسول مانتے ہیں ، ان کا احترام ہم پرواجب ہے۔

انہوں نے کہا کہ تعلیم، صحت اور دیگر شعبوں کی ترقی میں مسیحی برادری کی خدمات لائق تحسین ہیں، مسیحی برادری امن پسند اور ہمارے لئے قابل احترام ہیں اور ہم آج مسیحی برادری کی خوشیوں میں شریک ہیں۔

ان کا کہنا تھا کہ پاکستان کا آئین اقلیتوں کے حقوق کا ضامن ہے اور مسیحی برادری سمیت تمام اقلیتوں کو اپنے عقائد کے مطابق زندگی بسر کرنے کی مکمل آزادی ہے۔

میاں اسلم اقبال نے کہا کہ کرسمس کے موقع پر ہر ایک کو ایک سچے پاکستانی کی حیثیت سے ملک کی تعمیر وترقی کیلئے اپنا موثر کردار ادا کرنے کا عزم کرنا ہے۔

انہوں نے کہا کہ پنجاب حکومت نے مسیحی برادری سمیت تمام اقلیتوں کی فلاح وبہبود کے لئے ٹھوس اقدامات کئے ہیں اور مستقبل میں بھی ان کے حقوق کی حفاظت کرتی رہے گی۔